Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Malaysian teenage sensation Luqman Hakim completes move to Belgian club KV Kortrijk |  Istana Negeri refutes alleged power abuse by Tun Juhar |  Three Indonesians get 2 months’ jail for work pass violations |  COVID-19: Labuan Matriculation College students test negative |  Sandakan teacher gives free masks to students who reused dirty ones to save money |  Online food delivery mart to see robust growth over next four years |  MMM announces positive market share for first half of 2020 |  SIRIM, MRM launch three initiatives to prepare design industry for IR4.0 |  Pakalaja sabaagi 'Team UMS': Masidi |  ESSCOM momoguno kapal id papavakas koponoizukan om panamangan id tavan |  KPDNHEP minonoodo pomolisaan poimbida om kotonudan SOP PKPP |  Pogioton panamangan tu kiis COVID-19 nokoinsavat |  SERUMPUN anjur Program Semarakan Cinta Smartstart 2nd Honeymoon |  Penguatkuasa KPDNHEP jalankan pemeriksaan khas PKPP |  Bapa ancam tikam anak dengan pemutar skru gara-gara berebut alat kawalan jauh | 
 Kadazan Dusun

JKDM Sabah nakapagaau dadah kihoogo RM1.15 lizong

14th July, 2020

TAWAU: Koupisan Kastam Diraja Malaysia (JKDM) Sabah minanaan apat tuhun iampai nakapagaau 23 kilogram dadah miampai hoogo pisosoomo RM1.15 lizong id suang tohu kalaja Op Ice Break II id Sabah.

Panakadai Huguan Potunud Kastam Zon Sabah, Datuk Abdullah Jaapar minoboos kalaja piahatan 1 gisom 4 Vuhan Kotuu dino pinopoompit iso kiis id Gana Tutubpoon Kapal Tawau om duvo vagu id Gana Tutubpoon Kapal Sompomogunan Kota Kinabalu (LTAKK).

“Ontok di ko 1 Vuhan Kotuu nakatahib, jam ko 11.40 id gana Tutubpoon Kapal Tawau, songuhun kusai 53 toun i nokoikot mantad Kuala Lumpur suminakai kapal komersial tinaan miampai kantung kisuang dadah kavo methamphetamine miampai pisosoomo kivinagat 4.193 kilogram (RM209,650) om koponoizukan poingonop nga nokoovit kumaa kinapanaanan songuhun tondu kiumul 49 toun.

“Ontok di ko 2 Vuhan Kotuu nakatahib, upisol Kastam minanaan iso kantung kisuang i dinuanan id suang pagavasan Balai Koikatan LTAKK om id suang dino kivaa vahu hopot dadah methamphetamine, miampai vinagat kuang hobi 8 kilomgram maiapi hoogo pisosoomo RM400,000,” ka disido id suang pitimbungakan abal, id doiti di koniab.

Tumanud disido, duvo tadau kahapas dino, id LTAKK, JKDM minanaan duvo kusai kiumul 40an miampai nakapagaau 11 kilogram methamphetamine kihoogo pisosoomo RM550,000 i hinosok id suang duvo kantung, ontok di jam ko 12.34 pitanga sodop.

Suvai mantad kinahantazan dino, minoboos isido boogizan disido nga nakapagaau tiinumon kaavuk ontok di ko 29 Vuhan Koonom miampai 7 Vuhan Kotuu nakatahib id Lolokiton Sepanggar om uvang pomounan, Kota Kinabalu, i pinopoompit mogisusuvai ngaan tiinumon kaampai no Tiger om Carlsberg kihoogo saviavi RM1.27 lizong.

Naamot dino, pinoposoou i Abdullah tuhun ginumuan mooi au koosi montok popohuzung nuununu kopoihaan montok monguhan kahasaan tavagat kopogohimuvan tu kointutunan potitikid manaak kopoihaan nopo nga ajamin hosokon.

Minoboos isido tuhun ginumuan kavasa popohuzung kopoihaan kogompit abaabazan kopogohimuvan miampai tumuubung Talian Bebas Tol Kastam 1-800-88-8855 toi monoodo sogu id laman iaituhttp://aduan.customs.gov.my. Bernama

   
Email Print