Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Malaysian teenage sensation Luqman Hakim completes move to Belgian club KV Kortrijk |  Istana Negeri refutes alleged power abuse by Tun Juhar |  Three Indonesians get 2 months’ jail for work pass violations |  COVID-19: Labuan Matriculation College students test negative |  Sandakan teacher gives free masks to students who reused dirty ones to save money |  Online food delivery mart to see robust growth over next four years |  MMM announces positive market share for first half of 2020 |  SIRIM, MRM launch three initiatives to prepare design industry for IR4.0 |  Pakalaja sabaagi 'Team UMS': Masidi |  ESSCOM momoguno kapal id papavakas koponoizukan om panamangan id tavan |  KPDNHEP minonoodo pomolisaan poimbida om kotonudan SOP PKPP |  Pogioton panamangan tu kiis COVID-19 nokoinsavat |  SERUMPUN anjur Program Semarakan Cinta Smartstart 2nd Honeymoon |  Penguatkuasa KPDNHEP jalankan pemeriksaan khas PKPP |  Bapa ancam tikam anak dengan pemutar skru gara-gara berebut alat kawalan jauh | 
 Kadazan Dusun

Media Sandakan nakaramit toluod tokop todung om kabang

10th July, 2020

SANDAKAN: Puru media do hiti nakaramit toluod 10 kutak tokop todung om kabang mantad di Kapitan Cina Henry Chan San Chang.

Toluod dilo’ pinotunui kuminaa di Ponorikohon Koisaan Media Sandakan Sabah (Pemassa) James Leong id upis disio doid Trig Hill di songkonihab.

I Chin, songulun mongingindapu’ pinopoilo do toluod nopo dilo’ nga’ pongunsikohan kumaa di tonggungan media id kinapatahakan habar otopot kumaa tulun ginumuan kosuul no id Sandakan.

Tongo’ tambalut media id Sandakan kuminaraja’ pointonod podi kinopoindalanan Ponuhuan Kapanamangan Pamanahan (PKP) di ko 18tw Kotolu om gisom baino’ do papatahak kointalangan otopot kumaa mogigiyon.

Potilombus dino minamason isio do mogigiyon id Sandakan do amu’ obintumbayaan di tongo’ kointalangan id media sosial i amu’ noilaan kinotopoton.

“Tulun ginumuan kaanu momoromut bohogian ngaawi’ poinggompit montok kopongilaan om okon ko’ tumilombus do aranaban sasabab nodi tongo’ kointalangan id media sosial i patayadon diolo’ i aiso’ tinonggungan,” ka di Chan.

Naamot dilo’, i James minonongkounsikou kuminaa di Chan mantad no do kopomodulianan disio kumaa puru media id watas diti.

“Pemassa mongunsikou toluo Kakamot Pongumolig Tinan (PPE) mantad minsosongulun, lansanon pulitik om nogi NGO (tinan okon koporintaan) montok puru media id Sandakan,” ka disio.

Pinopoilo nogi isio do Pemassa toririmo poinsodia’ manahak sokodung kumaa bohogian kikuasa’ id kapatahakan habar otopot kumaa mogigiyon id Sandakan.

   
Email Print