Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Malaysian teenage sensation Luqman Hakim completes move to Belgian club KV Kortrijk |  Istana Negeri refutes alleged power abuse by Tun Juhar |  Three Indonesians get 2 months’ jail for work pass violations |  COVID-19: Labuan Matriculation College students test negative |  Sandakan teacher gives free masks to students who reused dirty ones to save money |  Online food delivery mart to see robust growth over next four years |  MMM announces positive market share for first half of 2020 |  SIRIM, MRM launch three initiatives to prepare design industry for IR4.0 |  Pakalaja sabaagi 'Team UMS': Masidi |  ESSCOM momoguno kapal id papavakas koponoizukan om panamangan id tavan |  KPDNHEP minonoodo pomolisaan poimbida om kotonudan SOP PKPP |  Pogioton panamangan tu kiis COVID-19 nokoinsavat |  SERUMPUN anjur Program Semarakan Cinta Smartstart 2nd Honeymoon |  Penguatkuasa KPDNHEP jalankan pemeriksaan khas PKPP |  Bapa ancam tikam anak dengan pemutar skru gara-gara berebut alat kawalan jauh | 
 Kadazan Dusun

Bot nolinsob: Songulun natagak, songulun natampasi

6th July, 2020

Di NAZRINI BADARUN

SEMPORNA: Songulun kusai pinoruput natagak, naamot tambalut dau nokito pointampasi soira’ bot sinakayan nolinsob gagama’ do lakun id kowoigan Pulau Mabul, doros hiti, di songkonihab.

I nogompitan Salimin Paludin, 44, nokosiwat minomoromut tabangon dau montok popoilo kumaa bohogian pulis kokomoi kinaantakan i nokootung diolo’ kikiro jam ko 7 kosuabon dilo.

I Salimin talib dilo tinampasi di Tinimungan Pulis Marin (PPM) Semporna di jam ko 9.45 kosuabon om pinaatod kuminaa Walai Pongubatan Semporna montok minaganu kopongusapan, naamot tambalut dau i Mahmur Ajae, 45, amu’ nokito.

Potunud Zon Maritim Semporna, Kotinanan Popogirotkuasa Maritim Malaysia (APMM), Komander Maritim Norrimi Hassan minoboros do babaino’ diti (konihab) karaja’ kopogihuman om koponomposian (SAR) di nogompitan mamaso poindalan miampai kopogompit limo siktor pogihuman kiginayo 101 watu nautika pasagi’.

“SAR pinogura’ di jam ko 1.30 tanga’adau di songkonihab katalib nakaramit pamalahawan PPM kokomoi kinaantakan dilo di jam ko 10.45 kosuabon.

“Do babaino diti (konihab) aset nokogompit mogihum nogompitan natagak nopo nga’ aset Maritim Semporna ilo nopo nga’ Bot Ronda Banggi 09, Banggi 10 nogi Banggi 31, suai ko’ karaja’ dilo’ nuhupan nogi do puru om aset PPM, bomba nogi Susumangod Rahat Diraja Malaysia (TLDM),” ka disio.

Tumanud di Norrimi, pinoilo do ngoduduo nogompitan nopo nga’ bagas puru TLDM om ontok kinaantakansuminakai yolo’ do bot kiwotik obulou do minooi pagapon.

   
Email Print