Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Malaysian teenage sensation Luqman Hakim completes move to Belgian club KV Kortrijk |  Istana Negeri refutes alleged power abuse by Tun Juhar |  Three Indonesians get 2 months’ jail for work pass violations |  COVID-19: Labuan Matriculation College students test negative |  Sandakan teacher gives free masks to students who reused dirty ones to save money |  Online food delivery mart to see robust growth over next four years |  MMM announces positive market share for first half of 2020 |  SIRIM, MRM launch three initiatives to prepare design industry for IR4.0 |  Pakalaja sabaagi 'Team UMS': Masidi |  ESSCOM momoguno kapal id papavakas koponoizukan om panamangan id tavan |  KPDNHEP minonoodo pomolisaan poimbida om kotonudan SOP PKPP |  Pogioton panamangan tu kiis COVID-19 nokoinsavat |  SERUMPUN anjur Program Semarakan Cinta Smartstart 2nd Honeymoon |  Penguatkuasa KPDNHEP jalankan pemeriksaan khas PKPP |  Bapa ancam tikam anak dengan pemutar skru gara-gara berebut alat kawalan jauh | 
 Kadazan Dusun

Kada’ kaarau-arau do mamaramit kopouyuhan pinsingilaan kolej poriwit

6th July, 2020

Di MARUTIN ANSIUNG

KEMABONG: Molohing om susumikul kosuul no nongkopupus Setifikit Palajaran Malaysia (SPM) Pinokianu do amu’ nuru’ aarau-arau mamaramit kopouyuhan mongoput pinsingilaan id kolej poriwit.

Puru Lintuhun Koundangan Pogun (AADUN) Kemabong Jamawi Jaafar minoboros, kiguno yolo’ do monorisid lobi kopogulu di kolej nokomoi kaampai no kos yuran pinsingilaan om katatapan pibatosan pogulu maganu nunu-nunu laang.

Ka disio, i sumili mahasiswa kiguno opoduli di koinsanai ahal i pinosodia do Institut Pinsingilaan Takawas Poriwit (IPTS) toi kolej poriwit i popouyu kurusus kumaa diolo.

“Susumikul lolobi no nongkopupus SPM kiguno momonsoi kopogintongan toi monimung kointalangan kokomoi di univositi, visi om misi om mongilo habar karait univositi toi kolej miagal no do naangayan, kinalantaion om kosiwatan pakarajaan di upalaion soira’ kopomupus pinsingilaan id kolej dilo,” ka disio kumaa mediado hiti, konihab.

Minoboros i Jamawi, pointonod pipiro minggu pototohuri diti ogumu’ molohing susumikul minomoromut disio kosuul no id Kemabong i mongupalai sakadai montok tanak diolo do mongoput pinsingilaan id pipiro kolej poriwit i wookon dilo’ amu’ insan koila’ai.

“Molohing om susumikul kada’ kasanang aampawong di kopouyuhan i posodiaon lolobi no id sunduk pambayaran yuran sundung pia id nayatan kolimpuunon amu’ songkuro koponginggorit sasabab no do kolej dilo’ momoguno kapangalasan PTPTN montok pambayaran yuran om sopiagal dilo id ngaran susumikul nokogompit i tantu no do koponginggorit susumikul om molohing montok mambayar dilo kawagu soira’ kopomupus pinsingilaan nunu podi katalib pinsingilaan susumikul dilo’ amu’ kaanu pakarajaan,” ka di Jamawi.

Minoboros nogi isio do susumikul om molohing diolo’ kada’ kobingampawong di ‘iklan’ i patahakon do bohogian kolej maya’ mogisusuai karalano’ kaampai no media sosial toi pason mantad ejen i sinili, sabab ejen dilo kaanu komisin nung kalantoi poporojistor susumikul id kolej di nokomoi.

Ka disio, koubasanan nopo susumikul i amu’ songkuro naangayan kootusan om amu’ kopongoput kumaa id Institusi Pinsingilaan Takawas Koporintaan (IPTA) buntukon di ejen ngaawi.

Minamason isio do lobi kosonong diolo’ do momili’ kolej i nookunan do koporintaan.

   
Email Print