Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Malaysian teenage sensation Luqman Hakim completes move to Belgian club KV Kortrijk |  Istana Negeri refutes alleged power abuse by Tun Juhar |  Three Indonesians get 2 months’ jail for work pass violations |  COVID-19: Labuan Matriculation College students test negative |  Sandakan teacher gives free masks to students who reused dirty ones to save money |  Online food delivery mart to see robust growth over next four years |  MMM announces positive market share for first half of 2020 |  SIRIM, MRM launch three initiatives to prepare design industry for IR4.0 |  Pakalaja sabaagi 'Team UMS': Masidi |  ESSCOM momoguno kapal id papavakas koponoizukan om panamangan id tavan |  KPDNHEP minonoodo pomolisaan poimbida om kotonudan SOP PKPP |  Pogioton panamangan tu kiis COVID-19 nokoinsavat |  SERUMPUN anjur Program Semarakan Cinta Smartstart 2nd Honeymoon |  Penguatkuasa KPDNHEP jalankan pemeriksaan khas PKPP |  Bapa ancam tikam anak dengan pemutar skru gara-gara berebut alat kawalan jauh | 
 Kadazan Dusun

Rina kuminakap susumakit ‘kronik’ id Sabah

6th July, 2020

KOTA BELUD: Montiri Koburuon Koonduan, Paganakan om Mogigiyon (KPWKM) Datuk Seri Rina Mohd Harun di konihab pinapaharo kinakakapan ‘ziarah prihatin’ kohondot pipiro tulun i nokotoguang do kobolingkahangan kolidasan do hiti.

Minoboros i Rina do id kinotombuluyan dilo, komontirian maya’ do Koupisan Kotundunan Mogigiyon (JKM) pinopolulus upalai koponguhupan kumaa tulun dilo montok monginggaan tonggungan paganakan di nogompitan.

“Pinapatahak yahai surat kolulusan (ponguhupan) dilo kumaa paganakan nokomoi kaampai no tulun nolohing (warga emas) i sumakit,” ka disio kumaa magaganu habar katalib pinapaharo ziarah prihatin, do hiti konihab.

Nokopogulu i Rina kuminakap di songulun komulakan i Nur Alia Emeida Timothy, 14, i pinoimagon do nokotoguang bato (kanser) ‘medulloblastoma’ pointonod di 2018 id Kampung Limatok.

Tanak totuo kumaa misasawo Timothy Minsin om i Siti Norlela Mohd Albe dilo kakal nakaanu pongusapan id Walai Pongubatan Tondu om Tanak-Anak Likas, Kota Kinabalu.

Tumanud di Siti Norlela, tanak totuo dilo nokoindalan induo pinamalantaan di koompokon 2018 om kolimpuunon 2019 montok papataam di suminuni id ponong tohuri tulu tanak dau dilo.

“Gisom baino diti yau (Nur Alia) kakal id pogintongan do dokutur katalib pongusapan ‘kemoterapi’ dau nopongo om babaino diti kolidasan dau nokoinsonong-sonong,” ka disio.

I Rina talib dilo kuminakap di songulun kusai nolohing, po nogi susumakit awagat nogi mosikin ilo nopo nga’ i Gumbulu Goyang, 83, i poingiyon id Kampung Pirasan.

Minoboros isio ponguhupan id sahau Yayasan Kebajikan Negaraa (YKN) pinatahak nogi kaampai no tilom montok kosimbayanan do tulun nolohing dilo suai ko’ balatak takanon.

Kuminakap nogi isio di songulun susumakit awagat i Azizan Musari, 26, i au kotungag soira nokogompit id kinoligaganan talun-alun di 2017.

Gagama kinoligaganan mutusikol dilo, i Azizan notipuan do tulang tipus om toruntud om baino’ diti kakal mamaramit pongusapan id Walai Pongubatan Queen Elizabeth Kota Kinabalu.

Kopihondot kinotombuluyan duo tadau kumaa id Sabah i nopupusan konihab, pinapaharo nogi i Rina kotombuluyan kumaa Walai Tanak-Anak Kota Kinabalu om pinapatahak do duo unit komputer montok kogunaanmongingiyon id walai dilo.-Bernama

   
Email Print