Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Malaysian teenage sensation Luqman Hakim completes move to Belgian club KV Kortrijk |  Istana Negeri refutes alleged power abuse by Tun Juhar |  Three Indonesians get 2 months’ jail for work pass violations |  COVID-19: Labuan Matriculation College students test negative |  Sandakan teacher gives free masks to students who reused dirty ones to save money |  Online food delivery mart to see robust growth over next four years |  MMM announces positive market share for first half of 2020 |  SIRIM, MRM launch three initiatives to prepare design industry for IR4.0 |  Pakalaja sabaagi 'Team UMS': Masidi |  ESSCOM momoguno kapal id papavakas koponoizukan om panamangan id tavan |  KPDNHEP minonoodo pomolisaan poimbida om kotonudan SOP PKPP |  Pogioton panamangan tu kiis COVID-19 nokoinsavat |  SERUMPUN anjur Program Semarakan Cinta Smartstart 2nd Honeymoon |  Penguatkuasa KPDNHEP jalankan pemeriksaan khas PKPP |  Bapa ancam tikam anak dengan pemutar skru gara-gara berebut alat kawalan jauh | 
 Kadazan Dusun

Mongungusaha’ nunsub monongkisolod kosiwatan pomorunan tumau ‘pati’

6th July, 2020

ALOR GAJAH: Mongungusaha id Malaysia kosuul no mongungusaha ‘agropreneur’ tomulok nunsub monongkisolod do kosiwatan pongindopuan id pomorunan tumau pati i okito kikosiwatan tagayo montok poinggoyoon, ka di Montiri Pomutanaman om Pomorunan Takanon Datuk Seri Dr Ronald Kiandee.

Minoboros isio do Institut Ponolidikan om Koburuon Pomutanaman Malaysia (MARDI) pinoposodia’ ogumu ponguhupan montok monguhup mongungusaha mongukab pomorunan tumau pati, om nogi Stisin MARDI Kuala Linggi do hiti pasanganu kogogonopan kopongimbulaian tumau pati i aanu gunoon do mongungusaha.

Ka disio kopokionuan tumau pati i winonsoi sondiri do Stisin MARDI Kuala Linggi nakaanu kopokionuan gisom id pidagangan labus pogun wookon nopo nga’ Australia, om nogi MARDI pasanganu mogisusuai ababayan montok mongimbulai lobi kogumu mongungusaha agropreneur do modsukai pomorunan dilo.

“Malaysia pasanganu kosiwatan tagayo id pomorunan rusap lolobi no id tumau pati diti. Miampai ponguhupan do tiknologi, kousinan om sopiagal dilo i pinoburu’ do koporintaan maya’ MARDI, otumbayaan oku do lobi kogumu’ mongungusaha Malaysia kaanu umampai kaganaan diti om nogi popoudar do tumau pati kumaa sompogunan.

“Rusap ngaawi miagal diti aanu wonsoiyon montok mongimbulai mogisusuai asil miagal do sabun, losyen om sopiagal dilo.

“Kalansanan tokou lobi kogumu’ mongungusaha’ kaanu tumabung id pongindopuan asil mantad naanu-anu pinonorisidan mantad MARDI,” ka disio kumaa magaganu habar do hiti konihab.

Nokopogulu minooi isio intong sondiri di kapamansaian tumau pati id Stisin MARDI Kuala Linggi id kinotombuluyan i natanud nogi di Kumoduo Montiri Pomutanaman om Pomorunan Takanon 1 Datuk Seri Ahmad Hamzah.

Naamot dilo, tumanud kointalangan media MARDI, soginumu’ 79 mongungusaha nakatanud kurusus om pingludaan id ‘Inkubator Tumau Pati Mardi’ id Stisin MARDI Kuala Linggi dilo poompus toun diti om stisin dilo nokopongimbulai 169 mongungusaha agropreneur tomulok pointonod di 2016 gisom toun di nakatalib.

Inkubator Tumau Pati Mardi dilo’ pinoimpuun di ko 16tw Koonom 2009 kituduan poposodia koiyonon inkubator nogi momoluda’ mongungusaha tumau pati om sabun; suai ko’ sabaagi koiyonon ponolidikan om kapamansaian rusap.-Bernama

   
Email Print