Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Rahman Dahlan urges Shafie to give update on projects announced |  Safa pleased by teens’ U-19 call-up |  Ranau has potential to become major tourist destination |  Bot nolinsob: Songulun natagak, songulun natampasi |  Kimpin monoluod raha’ nokotimung 33 pain raha’ |  Kada’ kaarau-arau do mamaramit kopouyuhan pinsingilaan kolej poriwit |  Rina kuminakap susumakit ‘kronik’ id Sabah |  Mongungusaha’ nunsub monongkisolod kosiwatan pomorunan tumau ‘pati’ |  PMBS Putatan nyahkuman empat lagi masjid di Putatan |  Kempen anjuran KRT Rumandawi, Sook Prihatin dan Hospital Keningau berjaya kumpul 33 pain darah |  Ketua Adat disaran jalankan tugas dengan penuh dedikasi |  Majlis Nurul Aman laksana program Ibadah Korban |  Pelajar lepasan SPM dinasihat tidak terburu-buru terima tawaran kolej swasta |  Rina adakan ziarah prihatin pesakit kronik di Sabah |  Banjir musnahkan kediaman milik Ledah | 
 Kadazan Dusun

Atag pihion HM: monoodo zou kotontuan au nodii ahaid

30th June, 2020

PENAMPANG: Polosiden Parti Warisan Sabah Datuk Seri Mohd Shafie Apdal monoodo kotontuan id suang timpu au nodii ahaid kogompit atag kopomihian disido sabaagi Huguan Montili miaga di pinoboos di Tun Dr Mahathir Mohamad, di kavavagu diti.

Mohd Shafie, i nogi Vozoon Montili Sabah, minoboos popoboos isido kotontuan dino ahapas maganu pongintangan mogisusuvai boogizan kaampai no monoodo pibaasan miampai buuan takavas Warisan.

“Monongkotohuod zou kozo tu atag dino nokoikot mantad Tun Dr Mahathir Mohamad. Ino iso atag om mositi monoizuk zou id lahan taahom kaampai no monoodo pibaasan miampai Kumoduvo Polosiden Warisan (Datuk Darel Leiking) om Huguan Kointahangan Warisan (Datuk Dr Yusof Yacob).

“Iti iso ponginaman tagazo montok dogo. Mongintong zou diti id lahan totuhid. Onuai zou timpu (montok monoodo kotontuan ) om (ino) au maganu timpu di ahaid,” ka disido kuminaa magaganu abal kahapas tuminombuhui Sikul Takavas Kabangsaan (SMK) Datuk Peter Mojuntin id doiti, di koniab.

Minoboos i Mohd Shafie dino ontok pinokianu popointahang atag momihi disido sabaagi huguan montili.

Dr Mahathir, i nogi Puu Parlimen Langkawi, minoboos kotontuan momihi Mohd Shafie i nogi Puu Parlimen Semporna dino naanu id piokunan saviavi id suang iso pisamanan miampai tiimungan disido (Parti Amanah Negara), Warisan om DAP) id Hamin Tombuhui Sabah somok doiti di Tadau Kaapat.

Tumanud disido id suang pisamanan dino, nakaakun nogi izioho montok mangatag Polosiden PKR Datuk Seri Anwar Ibrahim sabaagi Kumoduvo Huguan Montili 1, om bagas Kumoduvo Polosiden Parti Pribumi Bersatu Malaysia (Bersatu) Datuk Seri Mukhiriz Mahathir sabaagi pihi Kumoduvo Huguan Montili ll.

Sundung i do ingkaa, tumanud Parti Amanah Negara om DAP atag montok Mohd Shafie sabaagi pihi huguan montili kakal mositi pibaasan id nazatan kopomuanan hongkod Amanah om DAP miampai Pakatan Harapan (PH) hobi kopoguhu.

Pinopointahang poingonop, minoboos i Mohd Shafie atag i mikot mantda Dr Mahathir dino nopo nga iso pamahagaan montok disido sabaagi misosonguhun om puu pulitik di kivaa toihaan tagazo kozo.

“Au zou mokianu disido (montok dumadi huguan montili). Minoboos zou disido kiguno zou montok monoina Sabah. Tapi iti (atag) iso pamahagaan sabaagi songuhun misosonguhun om puu pulitik id pogun diti tu tokou nga ogumu toihaan,” ka disido.

Mohd Shafie nakampazat no id suang pomogunan pulitik hobi 30 toun suvai ko nadadi puu Parlimen kihinaid onom penggal om pakalaja id tuu komontilian id nazatan hongkod.

Noudizo kokomoi kotumbazaan disido kumaa Dr Mahathir, minoboos i Mohd Shafie, ino okon nadadi kobohingkangan tagazo sundung tu kivaa piipio ahal popoompit pulitik Sabah kaampai no kosuangan Parti Pribumi Bersatu Malaysia (Bersatu) poguhui diti.

Otumbazaan Mohd Shafie kotontuan dino naanu mazaa pibaasan miampai buuan Bersatu onotk timpu dino. Ontok di ko 6 Vuhan Kaapat 2019, Bersatu pinapahaab tahad kumaa Sabah sundung tu Dr Mahathir ontok dino minogovit tonggungan sabaagi Ponikoon Bersatu nakadandi montok au mingkakat id pogun saau ibut dino. Bernama

   
Email Print