Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Rahman Dahlan urges Shafie to give update on projects announced |  Safa pleased by teens’ U-19 call-up |  Ranau has potential to become major tourist destination |  Bot nolinsob: Songulun natagak, songulun natampasi |  Kimpin monoluod raha’ nokotimung 33 pain raha’ |  Kada’ kaarau-arau do mamaramit kopouyuhan pinsingilaan kolej poriwit |  Rina kuminakap susumakit ‘kronik’ id Sabah |  Mongungusaha’ nunsub monongkisolod kosiwatan pomorunan tumau ‘pati’ |  PMBS Putatan nyahkuman empat lagi masjid di Putatan |  Kempen anjuran KRT Rumandawi, Sook Prihatin dan Hospital Keningau berjaya kumpul 33 pain darah |  Ketua Adat disaran jalankan tugas dengan penuh dedikasi |  Majlis Nurul Aman laksana program Ibadah Korban |  Pelajar lepasan SPM dinasihat tidak terburu-buru terima tawaran kolej swasta |  Rina adakan ziarah prihatin pesakit kronik di Sabah |  Banjir musnahkan kediaman milik Ledah | 
 Kadazan Dusun

Malaysia nakahantoi minomuuan mitingan upisol takavas APEC

29th May, 2020

KUALA LUMPUR: Nakahantoi o Malaysia minomuuan Mitingan Upisol Takavas Takavas Poinhobi Mazaa Pionitan Internet (VESOM) Pisokodungan Ikonomi Asia- Pasifik (APEC) montok miboos pandemic COVID-19.

Mitingan di naampazat saviavi 21 ekonomi APEC mantad vahu zon timpu di misuvai dino naazu mazaa do pionitan internet misosondi.

Sekretariat Kabangsaan APEC 2020, mazaa kointahangan di koniab minoboos kaampazatan dino kaampai no saviavi ekonomi APEC, Kounsol Monontuduk Pongindopuan APEC (ABAC) miampai piipio mongingintong nopihi mantad organisasi sompomogunan om pogun.

“VESOM manaak pongintangan kapanadaan Kointahangan Montili Kitonggungan montok Pidagangan (MRT) kogompit miampai COVID-19, i pinahabus vuhan diti. Upisol takavas nga mokinongou pongingintong ABAC kokomoi tonggungan boogizan swasta id suang monguang tanda pandemic dino om poposikap pongumohigan ikonomi posoihi,” ka disido.

Ino nogi monimbang himo atag kaampai no impoon i dati montok piahanan kopoihaan kokomoi sisimba ikoton do ekonomi APEC kumaa kobohingkangan saasabap no do COVID-19, duvo atag misuvai kokomoi koinsamakan di dati montok monguhan kohuzungan balang kogunaan ontok kobohingkangan diti.

Atag suvai nopo nga popoimbuhai subsakadai montok pisokodungan tagazo APEC montok monguhan COVID-19 om mogovit kinoizonon diti kumaa lahan pongumohigan ikonomi, miampai pongintangan om kumaa montok tinan ngaavi APEC (pomitanan dino komiti om tinimungan kalaja) montok popotihombus kalaja dioho id timpu di au atantu diti.

Sekretariat dino minoboos mantad saviavi dino, tohu atag pinataak Malaysia miampai di koiso nopo nga minonuidong impoon piahanan kopoihaan kikotonudan, i ohoou Piahanan Kavavagu om Tosikap Id lahan Internet Kokomoi COVID-19 APEC toi ko ‘APEC COVID-19 LIVE’.

Impoon diti kiangkab montok mongiho koomungan ikoton, haang, abaabazan om pongkimamaan i todoon ekonomi APEC montok monguhan kobohingkangan COVID-19, ka disido.

“Koduvo, Malaysia pinopoikot draf Deklarasi APCE montok Monguhan Kapapanaai Balang ngaavi Kiguno. Draf Deklarasi diti mangatag mooi saviavi ekonomi APEC manaak nuzudan balang di potontuon sondii montok konsesi tarif iso pamanaan

“Atag kotohu, kinontodonon kapasiti Malaysia sabaagi ponikoon APEC 2020, manaak gais pongihaan kokomoi lahan montok kalaja ngaavi di papanaon pototongko tinan APEC,” tumanud kointahangan dino.

Komiti dino, tinimungan kalaja om subforum suvai posoovon do pongkimamaan dioho mositi potihombuson, mantad pot oi mazaa internet toi ko piahatan sesi.

Montok mongoput mahik om popotihombus kalaja dioho, tinan ngaavi APEC mositi kopiuman do kinoizonon diti maamaso id suang mod pongumohigan pascakrisis om eleman diti mositi posuangon id suang, om pokitanan id suang, pibaasan dioho, tumanud secretariat dino.

Sabaagi kouangan kumaa atag mantad Malaysia, kivaa nogi duvo atag mantad ekonomi APEC di suvai. China pinapataak atag montok monuidong subsakadai montok pisokodungan kinoizonon di kiangkab monguhan COVID-19 om monguhan pongumohigan ikonomi montok Singapore om New Zealand misokodung mongovit pongkimamaan montok monguhan pidagangan balang pongusapan id suang APEC.

Saviavi himo atag dino nakaanu komen kopongunsub om pibaasan poingonop kokomoi dino pisosoomo papanaon do duuduvo tinan APEC i kogompit.

“Miaga di nouhud id lahan tavasi montok VESOM di koniab, kotoundaan pinapanau montok Malaysia momuuan iso vagu VESOM APEC miampai mitingan MRT id lahan internet, om opupusan Vuhan Koonom 2020,” ka do secretariat dino.

Ino ka disido, koinduvo nodii Malaysia kitonggungan sabaagi Ponikoon APEC kahapas 1998.

Sumuang www.myapec2020.my montok mongiho kopoihaan poingonop kokomoi APEC 2020. Bernama

   
Email Print