Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Rahman Dahlan urges Shafie to give update on projects announced |  Safa pleased by teens’ U-19 call-up |  Ranau has potential to become major tourist destination |  Bot nolinsob: Songulun natagak, songulun natampasi |  Kimpin monoluod raha’ nokotimung 33 pain raha’ |  Kada’ kaarau-arau do mamaramit kopouyuhan pinsingilaan kolej poriwit |  Rina kuminakap susumakit ‘kronik’ id Sabah |  Mongungusaha’ nunsub monongkisolod kosiwatan pomorunan tumau ‘pati’ |  PMBS Putatan nyahkuman empat lagi masjid di Putatan |  Kempen anjuran KRT Rumandawi, Sook Prihatin dan Hospital Keningau berjaya kumpul 33 pain darah |  Ketua Adat disaran jalankan tugas dengan penuh dedikasi |  Majlis Nurul Aman laksana program Ibadah Korban |  Pelajar lepasan SPM dinasihat tidak terburu-buru terima tawaran kolej swasta |  Rina adakan ziarah prihatin pesakit kronik di Sabah |  Banjir musnahkan kediaman milik Ledah | 
 Kadazan Dusun

Piahanan polinta nontodonon kaambanan kapanadaan projik Pan Borneo

29th May, 2020

KOTA KINABALU: Piahanan polinta ontok 2018 nontodonon kaambanan kapanadaan projik Lebuhraya Pan Borneo id Sabah, ka di Panakaadi Montili Kousinan I Datuk Abdul Rahim Bakri.

Minoboos isido, piahanan polinta dino nontodonon monoina kapanadaan projik nokosimban hongon, kumaa Koupisan Kalaja Pindahanan (JKR) Sabah id lahan total.

“Montok fasa 1 i pinopoompit 11 pakej ino nopo nga kisinodu 706 kilometer nokotimpuun mantad Sindumin- Kota Kinabalu- Batu 32 Sandakan- Tawau om nogi talun-alun mintingisan daat mantad Tuaran kumaa Kudat, i baino apatut dino 32 piatus opongo.

“Sundung i do ingkaa kobohingkangan dino, baino kivaa kaambanan om projik dino, nakadampot nopo 21.2 piatus,” ka disido id suang iso kointahangan id doiti, di koniab.

Minoboos isido, Lebuhraya Pan Borneo i nouhud nopo nga kisinodu 1,236 kilometer, om ino pointantu no nadadi pomuabahan kiguno papanau ikonomi pogun Sabah.

Kogompit dino humansan i Abdul Rahim, polinta Parikatan Nasional (PN) mazaa Montili Kalaja Pindahanan Datuk Seri Fadillah Yusof, kaanu monoodo nuununu montok poposikap kapanadaan projik dino.

“Kitoihaan isido id suang monoina projik diti ontok isido nadadi Montili Kalaja Pindahanan ontok pomolintaan Barisan Nasional poguhui. Layat Sabah humansan kozo montili mantad kohisaon Malaysia diti, kaanu maganu haang tosikap, montok popoguhi projik diti id lahan di pointunud, om kaanu poposikap kapanadaan dino,” ka disido. Bernama

   
Email Print