Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Four Points by Sheraton Hotel in Sandakan closing down |  HSBC Malaysia supports glove manufacturers |  SMEs' presence on online business pages intensifies amidst COVID-19 |  A Malaysian Chiropractor’s Journey to a Successful Career |  Malaysia nakahantoi minomuuan mitingan upisol takavas APEC |  174 hamin sambayang okon Islam noukab mahik ontok ko 10 Vuhan Koonom |  Piahanan polinta nontodonon kaambanan kapanadaan projik Pan Borneo |  KeTSA tawarkan 1,000MW kuota Solar bawah Program LSS@MenTARI |  MEF gesa majikan berhenti ambil PATI sebagai pekerja |  Tiada laluan tikus baharu dikenalpasti di ESSZONE sepanjang PKP |  Labuan FSA yakin Labuan IBFC catat pertumbuhan berterusan |  MPT sahkan terima dua aduan pelanggaran SOP premis makanan |  Percepatkan pelaksanaan projek Pan Borneo, kata Abd Rahim |  Kurniawan hoping for Super League restart |  Failure to produce MyKad lands man two months’ jail | 
 Kadazan Dusun

Takzirah Ramadan id Tenom pinotilombus tumanud SOP

22nd May, 2020

Di MARUTIN ANSIUNG

KEMABONG: Koupisan Kopointalangan (JaPen) Watas Tenom minisokodung miampai Tinan Komulakan USIA Bohogian Tenom pinopoindalan ababayan Takzirah Ramadan On Wheel’s i tiniip, tumanud do kooturan kopoindalanan pinatandu’ (SOP).

Ababayan dilo’ pinapanau id pipiro masjid doid watas Kemabong om nogi Melalap.

I Luguan Komulakan USIA Bohogian Tenom, Imam Mohd. Taslim Haji Tahir minongobi’ di Luguan Komulakan USIA Longkod po nogi’ Puru Lintuhun Koundangan Pogun (ADUN) Melalap Jamawi Jaafar minoboros, ababayan nopo dilo nga’ montok poposindak do wulan Ramadan sundung pia do kikobolingkahangan mantad no do tomporuruol Covid-19 i notoguang do pogun babaino diti.

“Ababayan diti pinapanau tumanud SOP om aiso’ pinitimungan tulun ginumuan,” ka disio i pinopointalang do ponomborosan ugama dilo’ parangahan momoguno kakamot pomuhod rolou mooi do orongou di mogigiyon kampung.

Minoboros isio soira rinubaan id ababayan Takzirah Ramadan On Wheel’s doid Kampung Mandalom doros hiti di kaawagu diti.

Nokotindapou nogi i Monguhup Upisor Watas Tenom i Mas Syazwan Massod, Upisor Kopointalangan Watas Tenom i Sahiman Rahman om i Upisor Takbir Koupisan Ahal Ugama’ Islam Pogun Sabah (JHEAINS) Tenom i Mohd Hanif Kifly.

Ka di Mohd Taslim po nogi Monguhup Monunurat Tinan Komulakan USIA Longkod, suai ko’ takzirah ugama, kapahabaran di laang kopongilagan Covid-19 om kotonudan PKPB (Ponuhuan Panamangan Pamanahan Kikooturan) nga’ pinatahak nogi montok paparati mogigiyon labus kakadayan.

“Suai ko ilo, manahak tokou nogi do toluod takanon mongukab puasa kumaa mogigiyon nokoiyonon om toluod ponokop todung om kabang,” ka disio.

Ababayan di miagal pinoindalan nogi id 14 kampung di suai id poliliput watas Parlimen Tenom i kapaampai do duo Watas Lintuhun Koundangan (DUN) ilo nopo nga’ Melalap om Kemabong.

   
Email Print