Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Four Points by Sheraton Hotel in Sandakan closing down |  HSBC Malaysia supports glove manufacturers |  SMEs' presence on online business pages intensifies amidst COVID-19 |  A Malaysian Chiropractor’s Journey to a Successful Career |  Malaysia nakahantoi minomuuan mitingan upisol takavas APEC |  174 hamin sambayang okon Islam noukab mahik ontok ko 10 Vuhan Koonom |  Piahanan polinta nontodonon kaambanan kapanadaan projik Pan Borneo |  KeTSA tawarkan 1,000MW kuota Solar bawah Program LSS@MenTARI |  MEF gesa majikan berhenti ambil PATI sebagai pekerja |  Tiada laluan tikus baharu dikenalpasti di ESSZONE sepanjang PKP |  Labuan FSA yakin Labuan IBFC catat pertumbuhan berterusan |  MPT sahkan terima dua aduan pelanggaran SOP premis makanan |  Percepatkan pelaksanaan projek Pan Borneo, kata Abd Rahim |  Kurniawan hoping for Super League restart |  Failure to produce MyKad lands man two months’ jail | 
 Kadazan Dusun

Tulun mulau id Kakadayan Ranau kinuarantin poompus PKP/PKPB

22nd May, 2020

Di ADUKA JASNIN SUMAN

RANAU: Soginumu limo tulun mulau-ulau i mombo-hombo doid pososorili kakadayan diti tinampasi om pino’iyon doid Lintuhun Mogigiyon Ranau montok kinuarantin poompus Ponuhuan Panamangan Pamanahan (PKP) om Ponuhuan Panamangan Panamangan Kikooturan (PKPB).

Tinimungan dilo tinampasi maya operasi pinotomod do Komitikuasa Mongungulud Kadaaton Watas (JPBD) Ranau i nakapaampai do puru Pulis Diraja Malaysia (PDRM), Tinimungan Koumoligan Ginumuan (APM), Koupisan Sukarelawan Malaysia (RELA) om sitaf Koupisan Kotundunan Malaysia (JKM) di kawawagu diti.

Upisor Watas Ranau po nogi Ponorikohon JPDB i Yassin Ibrahim minoboros, karaja dilo pinapanau id pipiro koiyonon i kotumbayaan nosili ‘rumun’ do tongo tulun dilo.

Ka di Yassin, tumanud do rikod di haro noilaan do kiginumu turu’ tulun i noilaan do mulau-ulau om luminalang doid pososorili kakadayan, poingkuro po duo mantad diolo’ amu po notunudan.

“Bohogian dahai otumbayaan do kopongilo om kopomolugut duo tulun i kakal midu-idu’ dilo do poiyonon id Lintuhun Mogigiyon sabaagi longkod kuarantin pinotomod montok diolo.

“Operasi diti kituduan manampasi tulun amu songkuro noongoban tutok i kakal mombo-hombo id pososorili kakadayan mantad kabanta’ do kopogkorolihan Covid-19.

“Yolo’ nga’ pinoindalan nogi do poniisan panahasan Covid-19 i pinoindalan do sitaf id sahau Komontirian Kolidasan Malaysia (KKM).

“Naamot kotundunan kaampai takanon om posokoton uludon do JKM Ranau.

“Po’ompus id longkod kuarantin, pitamangan yolo do 24 jam di puru APM,” ka di Yassin i pinopoilo do bohogian disio minamalan nogi do laang posusuhut monoibau tulun ngaawi’ di mulau-ulau do hiti.

   
Email Print