Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Four Points by Sheraton Hotel in Sandakan closing down |  HSBC Malaysia supports glove manufacturers |  SMEs' presence on online business pages intensifies amidst COVID-19 |  A Malaysian Chiropractor’s Journey to a Successful Career |  Malaysia nakahantoi minomuuan mitingan upisol takavas APEC |  174 hamin sambayang okon Islam noukab mahik ontok ko 10 Vuhan Koonom |  Piahanan polinta nontodonon kaambanan kapanadaan projik Pan Borneo |  KeTSA tawarkan 1,000MW kuota Solar bawah Program LSS@MenTARI |  MEF gesa majikan berhenti ambil PATI sebagai pekerja |  Tiada laluan tikus baharu dikenalpasti di ESSZONE sepanjang PKP |  Labuan FSA yakin Labuan IBFC catat pertumbuhan berterusan |  MPT sahkan terima dua aduan pelanggaran SOP premis makanan |  Percepatkan pelaksanaan projek Pan Borneo, kata Abd Rahim |  Kurniawan hoping for Super League restart |  Failure to produce MyKad lands man two months’ jail | 
 Kadazan Dusun

Sampapanau nga kuarantin poompus PKP/ PKPB

22nd May, 2020

Di ADUKA JASNIN SUMA’N

RANAU: Kiginumu himo tuhun noumbak tutok i nadadi sampapanau posoihi kakadazan id doiti tinampasi om pinotindooi id Dewan Ginumuan Ranau montok kuarantin poompus Ponuuan Panamangan Kapapanaai (PKP) om PKPB.

Tinimungan dino tinampasi mazaa kalaja poimbida Komiti Ponoinaan Kantakan Uvang (JPBD) Ranau, pinopoompit puu Pulis Diraja malaysia (PDRM), Tinimungan Koumohigan Ginumuan (APM), Koupisan Sukarelawan Malaysia (RELA) om pakalaja Koupisan Kotundunan (JKM), di kavavagu diti.

Upisol Uvang Ranau i nogi Ponikoon (JPDB), Yassin Ibrahim minoboos, kalaja pinotoguvang id piipio tampat di kikotumbazaan nadadi ‘lumun’ tampat izonon di sampapanau dino.

Minoboos i Yassin, mazaa rekod di kivaa noihaan kiginumu tuu tuhun noihaan kozo noumbak tutok om nadadi sampapanau id posoihi kakadazan, Mantad ginumu dino, himo natampasi no, montok duvo vagu au po noihaan.

“Boogizan dagai otumbazaan kahantoi mongintutun om monginsasamod duvo vagu tuhun di kakal poingidu montok potindoozon id Dewan Ginumuan sabaagi hongkod kuarantin poimbida tinimungan dino.

“Kalaja kiangkab manampasi tuhun noumbak tutok toi ko kivaa kobohingkangan tutok i kakal sampapanau id posoihi kakadazan mantad kotoguvang kumaa kooohian toluo Covid-19.

“Papanau nogi izioho poniisan Covid-19 i toinaon pakalaja id siibo Komontilian Kohidasan Malaysia (KKM). Montok kotundunan kaampai no taakanon om basaan toinaon do Koupisan Kotundunan Ranau.

“Poompus id hongkod kuarantin, intangan izioho 24 jam do puu Tinimungan Koumohigan Ginumuan (APM),” ka di Yassin.

Ka di Yassin, boogizan disido nga moguhud haang sumusuut monguhan sampapanau id suang tinimungant uhun nongoumbak tutok id doiti.

   
Email Print