Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sabah keluar arahan baharu tangani COVID-19 |  STA postpones AGM |  M-League faces long layoff - FAM |  Action teams to deliver food assistance to Tanjung Aru constituents |  Allow private sector to stop mandatory EPF contributions, calls MATTA |  COVID-19 death rate in Malaysia at only 1.1 per cent |  81 layat M'sia, puu paganakan mantad Itali nokoikot |  Popohuzung tuutulus polinta sakadai balang kogunaan |  Combining culinary skills with dietetics to promote healthy diets |  COVID-19: AirAsia group suspends most international flights |  Petrol retailers affected by weak fuel prices, MCO |  Adun Balung akan serah sumbangan pada golongan memerlukan |  K'jaan negeri teruskan hulur bantuan barangan keperluan harian kepada penduduk luar bandar: Peter |  Pemimpin akar umbi diminta sebar kesedaran patuh PKP di kalangan penduduk: Abidin |  JaPen Labuan perhebat IOW bersama agensi lain | 
 Kadazan Dusun

Piatus di katanud PKP id uvang sokid nakadampot 100 piatus

26th March, 2020

DI ROZZALIN HASHIM

BELURAN: Huguan Pulis Uvang Beluran, Supt. Kasim Muda minoboos piatus kumaa kotonudan Ponuuan Panamangan Pamanaan (PKP) mogiigizon id uvang diti kaampai no uvang sokid id timpu totuvong nosogu nakadampot 100 piatus.

Minoboos isido, uvang diti popoompit mogisusuvai uvang vookon dino Kakadazan Telupid, Beluran, Paitan, Botition, Nangoh, Ulu Sapi om Sugut.

Ka disido, ontok tadau koiso PKP pinapanau piatus posoihi 90 piatus.

“Nga sundung i do ingkaa, tumanud kopoihaan notoimo ku ontok diti piatus dino nokoinsavat kumaa 95 piatus id timpu doungadau.

“Nga ontok timpu totuvong nakadampot ino 98 piatus gisom 100 piatus,” ka disido ontok pitimbungakan media id Ops Covid-19 id Telupid, di Tadau Koduvo.

Pinopointahang poingonop, minoboos i Kasim aiso po tuhun nagakom tu au tuminanud toi ko minanaak pisokodungan kumaa boogizan disido id suang papanau kalaja.

“Ontok timpu diti au nogi izikoi papanau pamagakaman om manaak nopo ponontudukan miampai kointahangan poingonop.

“Ontok timpu di miaga, pomumusoou mogiigizon uvang diti kumaa ponuuan di pinahabus avasi kozo hoohobi no kozo id suang piipio tadau babaino diti,” ka disido.

Minoboos isido, gisom baino diti boogizan disido monoodo apat tampat panahaban talun-alun.

“Panahaban di tinoodo montok manahob pamanaan mogiigizon nopo nga id uvang Kakadazan Telupid, Botitian, Sapi Nangoh om Kakadazan Beluran.

“Apat tinimungan mongintong poimbida nga tinuidong tumanud balai ino nopo nga Balai Pulis Telupid, Balai Pulis Tagas- Tagas, Balai Pulis Paitan om Hongkod Upis Pulis Uvang (IPD) Beluran,” ka disido i papanau nogi koponoizukan id tampat ngaavi id Kakadazan Telupid.

Ka disido, boogizan disido nga tinuhung puu Tinimungan Gerakan Am (PGA) Batalion 20, staf Koupisan Ahal Agama Islam Pogun Sabah (JHEAINS), pakalaja Kounsol Uvang Beluran (MDB), puu Koupisan Sukarelawan Malaysia (Rela) Beluran, Koupisan Kointahangan om pakalaja upis Kohidasan.

   
Email Print