Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sabah keluar arahan baharu tangani COVID-19 |  STA postpones AGM |  M-League faces long layoff - FAM |  Action teams to deliver food assistance to Tanjung Aru constituents |  Allow private sector to stop mandatory EPF contributions, calls MATTA |  COVID-19 death rate in Malaysia at only 1.1 per cent |  81 layat M'sia, puu paganakan mantad Itali nokoikot |  Popohuzung tuutulus polinta sakadai balang kogunaan |  Combining culinary skills with dietetics to promote healthy diets |  COVID-19: AirAsia group suspends most international flights |  Petrol retailers affected by weak fuel prices, MCO |  Adun Balung akan serah sumbangan pada golongan memerlukan |  K'jaan negeri teruskan hulur bantuan barangan keperluan harian kepada penduduk luar bandar: Peter |  Pemimpin akar umbi diminta sebar kesedaran patuh PKP di kalangan penduduk: Abidin |  JaPen Labuan perhebat IOW bersama agensi lain | 
 Kadazan Dusun

Sakadai RM260 lizong montok mongumbasi sikul nakahaid id Sabah

28th February, 2020

SIPITANG: Komontilian Balajalan om Inovasi Sabah mongikot montok mongumbasi om monoodo mahik 67 sikul i poinsuang sabaagi sikul nakahaid id Sabah ontok toun diti.

Montili dino Datuk Dr Yusof Yacob minoboos koponoinaan dino popoompit balanja saviavi kiginumu RM260 lizong om ahansan ino aanu monguhan id suang timpu di pinatantu.

“Iti nopo nga kopoguhuanan komontilian montok monguhan kobohingkangan sikul nakahaid di kivaa piipio kategori ino nopo nga mantad tukuan di iso gisom tuu.

“Kategori kotuu nopo nga di noindamaan kozo om nokoimagon au atampasi montok gunoon,” ka disido kuminaa magaganu abal kahapas pinapaambit Sakadai Sara Hidup (BSH) id Dewan Togumu Guno Sipitang, id doiti di koniab. Minoboos i Yusof kivaa 1,300 sikul tosiibo om takavas id Sabah om mantad ginumu dino 590 sikul poinsuang sabaagi sikul nakahaid.

Minoboos isido ontok toun nakatahib, kiginumu RM100 lizong pinasakadai montok mongumbasi om mamaganti 24 louting sikul nakahaid id pogun diti.

Ka disido, mantad 24 sikul dino, tohu maamaso id suang koponoinaan kapanadaan ino nopo nga Sikul Kabangsaan (SK) Tiong Wido, Tambunan; SK Nibang, Pitas; SK Sungai-Sungai, Beluran, montok hobi dino id suang koponoinaan montok todoon. Bernama

   
Email Print