Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sabah keluar arahan baharu tangani COVID-19 |  STA postpones AGM |  M-League faces long layoff - FAM |  Action teams to deliver food assistance to Tanjung Aru constituents |  Allow private sector to stop mandatory EPF contributions, calls MATTA |  COVID-19 death rate in Malaysia at only 1.1 per cent |  81 layat M'sia, puu paganakan mantad Itali nokoikot |  Popohuzung tuutulus polinta sakadai balang kogunaan |  Combining culinary skills with dietetics to promote healthy diets |  COVID-19: AirAsia group suspends most international flights |  Petrol retailers affected by weak fuel prices, MCO |  Adun Balung akan serah sumbangan pada golongan memerlukan |  K'jaan negeri teruskan hulur bantuan barangan keperluan harian kepada penduduk luar bandar: Peter |  Pemimpin akar umbi diminta sebar kesedaran patuh PKP di kalangan penduduk: Abidin |  JaPen Labuan perhebat IOW bersama agensi lain | 
 Kadazan Dusun

Kapanadaan ikoton polinta montok kovosian layat potihombuson

28th February, 2020

KOTA KINABALU: Kapanadaan ikoton ngaavi di pinatantu polinta hongkod montok kovosian layat poguhui diti potihombuson id pogun diti, ka di Monunuat Hongkod Sabah Datuk Samsuni Mohd Nor.

Minoboos isido onu nopo koozuzuvo pulitik di nantakan id nazatan polinta hongkod au kopogompit hizab koupisan om agensi berkanun hongkod id pogun diti id suang monoodo ikoton ngaavi montok kovosian layat.

“Sabaagi pakalaja polinta, hizab om tonggungan dagai nopo nga professional… au izikoi pointanud, pakalaja izikoi kumaa polinta… tu izikoi (pakalaja polinta) nopo nga monoodo ikoton,” ka disido kuminaa magaganu abal poguhui minonoodo Mitingan Pitubungan Huguan ngaavi Koupisan om Tinan Berkanun Hongkod id doiti, di koniab.

Minoboos i Samsuni ontok timpu diti, pakalaja polinta mongingit kumaa ikoton babaino i nakatantu om kakal ogumu au po notoodo.

“I kiguno tonggungan dagai, tonggungan dagai monoodo (ikoton polinta) miaga di pinatantu id suang Aku Janji ontok tuminau sabaagi pakalaja polinta,” ka disido miampai pinoposoou pakalaja polinta hongkod id pogun diti montok modihin mantad kogompit tuutulus id suang abaabazan pulitik.

Kokomoi mitingan dino, minoboos i Samsuni ino tinoodo intohu sontoun om kiguno sabaagi impoon huguan koupisan om tinan berkanun hongkod montok mongilalati montok mongintong kopointahangan kotoinaan om kapanadaan ikoton kumaa layat otoodo miampai tavavasi.

“Miboos izikoi poingkuo lahan montok mongintong do kopointahangan kotoinaan kosudong om kopitanud miampai kopokionuan om pomusoou layat pogun Sabah,” ka disido. Bernama

   
Email Print