Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sabah keluar arahan baharu tangani COVID-19 |  STA postpones AGM |  M-League faces long layoff - FAM |  Action teams to deliver food assistance to Tanjung Aru constituents |  Allow private sector to stop mandatory EPF contributions, calls MATTA |  COVID-19 death rate in Malaysia at only 1.1 per cent |  81 layat M'sia, puu paganakan mantad Itali nokoikot |  Popohuzung tuutulus polinta sakadai balang kogunaan |  Combining culinary skills with dietetics to promote healthy diets |  COVID-19: AirAsia group suspends most international flights |  Petrol retailers affected by weak fuel prices, MCO |  Adun Balung akan serah sumbangan pada golongan memerlukan |  K'jaan negeri teruskan hulur bantuan barangan keperluan harian kepada penduduk luar bandar: Peter |  Pemimpin akar umbi diminta sebar kesedaran patuh PKP di kalangan penduduk: Abidin |  JaPen Labuan perhebat IOW bersama agensi lain | 
 Kadazan Dusun

STPM Labuan nokoposurat 100 pihatus kinapaason

27th February, 2020

Di JAINUDIN DJIMIN

LABUAN: Sikul Mananga Kabansaan (SMK) Labuan nosili do sikul di iso’ no i kiharo calun Setifikit Takawas Palajaran Malaysia (STPM) doid Watas Pisompuruan (WP) Labuan i 100 pihatus kinapaason ilo’ nopo nga’ kinoingkawason 1.45 pihatus STPM di toun nakatalib nung pitopongon di 98.55 pihatus di toun 2018.

Montok naangayan Gred Pulampai Pogun (GPN), nokopokito nogi ilo do kinoinsawaton 2.87 pihatus toun 2019 nung piadangon di 2.64 pihatus di toun pogulu dilo, nakapaampai do kinoingkawason 0.23 pihatus.

Ahal dilo’ pinoilo di Potunud Koupisan Balajaran WP Labuan Raisin Saidin id kapahabaran media ontok kinapahabaran kootusan poporisaan STPM montok sikul koporintaan WP id Lintuhun Mutiara SMK Labuan di songkonihab.

“Mantad sunduk tintob prinsipal soginumu do 108 calun mantad 136 calun nakaanu 4 prinsipal ilo nopo nga 79.41 pihatus, 20 calun nakaanu 3 prinsipal (14.71 pihatus), apat calun nakaanu 2 prinsipal (2.94 pihatus) om apat kawagu calun nakaanu 1 prinsipal (2.94 pihatus).

“Soginumu do 4 mato balajaran nakapaas 100 pihatus ilo nopo nga Usuluddin, Sejarah, Information and Communication Technology om Phusic,” ka disio.

Pinointalang nogi disio do soginumu 8 mantad di 15 mato balajaran nokopokito nogi do kinoinsawaton ilo nopon ga Pengajian Am, Bahasa Melayu, Kesusasteraan Melayu Komunikatif, Sejarah, Ekonomi, Pengajian Perniagaan, Infomation Communicatons Technology om Physics.

Soginumu 63 calun nakaanu Pulampai Gatang Gred Kumalatif (PNGK) 3.00 poingkawas ilo nopo nga’ 46.32 pihatus nung pitopongon di 31.15 pihatus toun 2018.

Ka di Raisin, soginumu do apat susumikul nakaanu kootusan bobos osonong miampai nokoposurat PGNK 3.92, yolo nopo nga’ ii Irham Zulhilmi Mohd Johan, Siti Salbiah Mohd Yussof, Eleena Yeo Sui Mei om i Aaron Lau Jiaxiang.

Nokotindapou nogi id kinapahabaran dilo’ i Kumoduo Potunud Siktor Pinsingilaan i Yusup Mohamad, Luguan Monguhup Potunud Siktor Pentaksiran om Poporisaan i Sawal Salleh om i Molohingon SMK Labuan, Ismail Abdullah.

   
Email Print