|
|
|
Ingkaa no kokitanan do Stesen Hidro Panggi i nogi manakadai kopoguhu vinakas lotilik id pogun diti.
|
17th March, 2010
KENIGNAU: Vaig bavang Padas noindamaan nokotuun, kopokito do kopohuzungan vinakas lotilik nogompitan.
“Koozuzuvo noindamaan kotongob,” ka do sandad abal tosomok mantad stesen dino.
Minggu nakatahib, stesen dino nasansagan minonutub do tohu injin turbin id suang pongkimamaan mingkikit do kotimungan vaig.
“Duvo no injin i nakapanau ontok diti,: ka do sandad abal dino.
Stesen dino kapahabus do vinakas kiginumu do 66mw ontok potitikid tadau, nga poompus timpu magadau diti 44mw no aanu papahabus.
“Nokuangan tokou 22mw om iti kotongob kozo,” ka do sandad abal dino.
Stesen dino pinopoiho, timpu magadau i kakal au po nakapanaak tanda montok opupusan, kopogompit vinakas lotilik id stesen dino.
Bavang Pagalan i nogi manakadai kopoguhu kosuangan bavang Padas, nga noihaan nokuang gisom 60 piatus.
Tapang bavang i suvai nga nokoing mantad po piipio minggu nakatahib, kapavakas po vagu katangaban mogiigizon i poinhansan bavang dino mogisuusuvai kogunaan, hohobi no kozo vinakas lotilik.
|
