|
|
|
Supt. Soh Hock Sing pinopokito do piipio kad kredit pilasu i nahantoi do minamagamu id suang pitimbungakan abal, id Kota Kinabalu, di koniab.
|
16th March, 2010
KOTA KINABALU: Duvo kusai kikotumbazaan puu mogogohimu momilasu kad kredit sompomogunan, tinaan id Terminal 1, Gana Tutubpoon Kapal Sompomogunan Kota Kianbalu id doiti, di songkoniab.
Huguan Koupisan Koponoizukan Kahasaan Tavagat Komersial (JSJK) Sabah, Supt Soh Hock Sing, minoboos nakapagaau o pulis 37 kad kredit pilasu kahapas nakapanaan duuduvo kusai kiumul 26 om 28 toun dino di jam ko 11.30 minsusuvab.
“Ginumu kohobusan montok potitikid kad kredit dino nopo nga piahatan RM13,000 gisom RM15,000 om kad pilasu dino kikotumbazaan montok kapadagangan dahabus tu kad dino aiso do tanda cip koumohigan kiteknologi takavas,” ka disido kuminaa magaganu abal id doiti di koniab.
Tumanud disido boogizan disido nakaanu kopoihaan ginumuan om minongintong koulalaho di natandasan mantad Pulau Pinang om Perak dino i mindad podtuhudan kumaa Hong Kong poguhui minanaan dioho.
“Duuduvo di natandasan tinaan naamot kihinaid do himo tadau montok monuhung koponoizukan di siibo Seksyen 420 Kanun Koponinduahan,” ka disido.
Au isido minonulak dati hobi ginumu misosonguhun nokogompit id suang pogohimuvan dino.
|
