|
14th March, 2010
TAWAU: Taman Bukit Tawau i poimbihiu kuang hobi 23 kilometer mantad uvang kakadazan id doiti, kitangazan tagazo adadi gogondoon tutumombuhui id uvang diti.
Montili Kotombuhuzan Datuk Seri Dr Ng Yen Yen minoboos mogisusuvai kagazat eksotik kaampai no koozuzuvo poinsandad i au nozomutan om mogisusuvai kavo orkid i kivaa id taman dino aanu mamadadi do pamagazat tutumombuhui id suang om dahabus pogun.
“Tangangazan (taman diti) pointantu no do agazo nga vinakas pamagazat dino mositi posuangon id pakej dino. Sabaagi do pomitanan, izonon id taman dino pinosuang id pakej montok duvo sodop tohu tadau i suangan miampai kotombuhuzan kumaa uvang kagazat id suang taman dino,” ka disido kuminaa magaganu abal kahapas tuminombuhui taman dino id doiti di koniab.
Minoboos i Ng vookon abaabazan i pinosuang id pakej om tinaak kumaa tutumombuhui nopo nga kotombuhuzan kumaa uvang orkid, vaig muuk-tuuk om uvang vaig tahasu.
Kopiondot dino mangatag isido iso komiti kikuasa poimbida i ampazaton Koisaan Agensi Kotombuhuzan om Pengembaraan Malaysia (Matta), Kotombuhuzan Malaysia, Kotinanan Kotombuhuzan Sabah om Taman- Taman Sabah tinuidong montok popointutun taman dino.
Naamot dino, minonugut i Ng ningkokoton disido montok papataan kalaja naib polosiden MCA i nahantoi disido ontok pomihian parti nakatahib.
Ng nopo nga vookon 22 puu Komiti kikuasa Hongkod MCA i huminapas kalaja montok manaak vazaan pomihian kavavagu parti dino. Pomihian MCA pisosoomo ontok ko 28 Vuhan Kotohu diti.
|
