|
12th March, 2010
KINABATANGAN: Piahatan pisuvazan nangangazan susumikul kakadazan om dahabus kakadazan id suang panaasan Sijil Pelajaran Malaysia (SPM) toun diti kakal okito kozo, ka di Kumoduvo Huguan Montili Tan Sri Muhyiddin Yassin.
Muhyiddin, i nogi Montili Balajalan, minoboos piipio pongkimamaan om haang maamaso onuon montok monguang i tuutulus dino monguhan piahatan dino id lahan mogisusuut.
“Maganu tokou pongintangan mooi pisuvazan dino au tuutulus otihombus,” ka disido kuminaa magaganu abal ontok minonugut kokomoi kinotontuan panaasan SPM 2009 i pinoboos di koniab kahapas pinopotunui sakadai kuminaan nogompitan ngavi hizud id SK Bukit Garam id doiti di koniab.
Minoboos i Muhyiddin suvai ko pisuvazan nangangazan susumikul piahatan kakadazan om dahabus kakadazan, onuan nogi pongintangan do komontilian nopo nga nangangazan susumikul kakadaza om dahabus kakadazan id suang mato balajalan nakatantu miampai ginumu susumikul tondu i koubasanan dino hobi ginumu kahantoi mantad do kokusazan.
Ka disido vookon haang i maamaso onuon montok monguhan kobohingkangan dino nopo nga popotindooi mongingia ngavi tavasi kaampai no id dahabus kakadazan.
“Minggu nakatahib pinopoboos zou do monoodo tokou iso sistom kopotindaazan mongingia diti id nombo potitikid mongingia apatut tumounda montok pakalaja id uvang dahabus kakadazan,” ka disido.
Minoboos i Muhyiddin pisuvazan kouhanan om kouhanan sikul kakadazan om dahabus kakadazan i kakal koimbuhai gisom kopogompit kapapanaai kopongiaan om balajalan nga onuan pongintangan montok monguhan kobohingkangan dino.
Kokomoi koponguangan bajet montok komontilian dino, minoboos i Muhyiddin do ino antakan kumaa saviavi komontilian.
“Sundung i do ingkaa, di kavavagu diti songian minogovit mahik tokou kumaa koihaan Huguan Montili om nakaakun isido montok momouang sakadai,” ka disido.
“Id suang koozuzuvo ikonomi dotokou miaga diti om belanjawan dotokou i okuang piagahon di poguhui, mokianu tokou mooi do poguhudan sikul kaanu mingkikit id suang kokomoi pomogunaan vaig om lotilik.
“Nung aanu monguang 10 gisom 20 piatus mantad koubasanan. Okon kilati do momutu tokou do bajet, nga ino kaanu manampasi ogumu kousinan dotokou,” ka disido.
|
