Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Caretaker gets 20-year jail term for sexual offence against two boys |  Murder: March 24 date for prison wardens, senior officer |  Christian set to spearhead Sabah’s gold medal quest |  Perfect getaway at beautiful Ulu Look Lungsung Beach |  250 participants vie for top honours at Borneo Hospitality Challenge |  JPKA mogium mohoingon toi walis songuhun bagang |  Sakadai RM260 lizong montok mongumbasi sikul nakahaid id Sabah |  Kapanadaan ikoton polinta montok kovosian layat potihombuson |  Learning beyond textbooks: An enriching field trip for IMU Chinese Medicine students |  RM260 million for repair of 67 dilapidated schools in Sabah this year |  Malaysia's economy to grow within 3.2 to 4.2 pct, fiscal deficit expands |  Kejuruteraan Asastera secures RM19.78 mln project in Desa ParkCity |  Neurogine, UMSKAL team up to groom financial services talent |  Kejayaan kelulusan 100 peratus sekolah menengah wajar dipertahan: Mohd Arifin |  JPKA cari waris bayi lelaki | 
 Kadazan Dusun

Polinta pogun pinasaga palan haang gajah 2020-2029

14th February, 2020

KOTA KINABALU: Polinta Pogun Sabah pinapasaga Palan Haang Gajah Pogun Sabah 2020-2029 id suang pongkimamaan montok mongintong mamasi tosizau au opunso id pogun Sabah.

Palan haang 10 toun dino pinasaga id mitingan Kabinet pogun id doiti songkoniab montok momogompi om mintamong ginumu gajah id pogun diti i pisosoomo id suang julat 1,500- 2,000 tinan.

Tumanud Monunuat Pointatap Komontilian Kotombuhuzan, Koubasanan om Sandad Posoihi pogun Dr Jamili Nais id suang kointahangan kuminaa Bernama di koniab, palan haang dino manakadai om mongintong gajah au opunso id pogun Sabah.

Ka disido palan dino kivaa apat tuduvan kopoguhu i mositi ikoton ino nopo nga popoinsavat panamangan gajah om popotood momoduso gajah, popoinsavat kopotutan mamasi om mongintong koubasanan tavasi id suang ponoinaan, konservasi ex-situ gajah, koponoizukan om pongintangan miampai kopomusaavan kalalahano ginumu gajah.

“Polinta Pogun Sabah nakaakun id lahan ikoton montok manakadai RM20 lizong montok timpu 10 toun kapanadaan Palan Haang Gajah Pogun Sabah diti,” ka disido kokomoi plan dino i nouhud Koupisan Mamasi Tosizau Sabah om tambahut ngaavi pomogompizan.

Minoboos i Jamili iso mantad haang kopoguhu id suang palan haang dino nopo nga ponuidangan iso Unit Ponguasaan id siibo Koupisan Mamasi Tosizau i manaak pongintagnan kumaa panamangan mamasi tosizau id pias pinoopi.

Ka disido tinuidong nogi iso Unit Pomogompizan Spesies Noundonok i mongintong kapanadaan saviavi palan haang mamasi tinda i tamangan poimponu dino id siibo Enakmen Pomogompizan Mamasi Tosizau Sabah 1997.

Suvai mantad gajah, vookon mamasi pongintangan suvai nopo nga gajah id Sabah kokomoi kumaa tohu boogizan kopoguhu noundonok kopunsaan.

“Kopunsan gajah okon ko kobohingkangan toi ko ahal kopoguhu id pogun diti tu ginumu gajah di ohidas om kivaa uvang tamangan kitukuan tagazo id uvang mamasi tosizau id pogun diti.

“Kanamangan gajah maganak miampai avasi, om iso tanda nopo nga id somok potitikid panamangan, kaanu mongintong tuhun ngaavi juvenile,” ka disido miampai minoboos palan haang 10 toun diti tuutulus kopomuu data di kotunud kokomoi ginumu gajah id Sabah.

Ka disido boogizan koduvo nopo nga kobohingkangan tuhun om mamasi tosizau nadadi kobohingkangna kopoguhu pomogompizan gajah id pogun diti saasabap no do piagahan mamasi poinsandad gajah miampai tuhun, hoohobi no kozo miampai pongukaban pomutanaman om pomutanaman piasau mamau.

Kobohingkangan miaga diti kotindooi antakan gisom koimbuhai sinuau,” ka disido.

Minoboos i Jamili boogizan kotohu nopo nga pomumusoou mogiigizon ginumuan ino nopo nga potitikid kapatazon gajah saasabap no do tuhun miampai mamasi tosizau kapanaak kopomusoou au avasi id mato mogiigizon ginumuan kaampai no tinimungan tutumombuhui om kopogompit kointutunan tavasi Sabah id mato pomogunan.

Saasabap no dino, iso mantad pongunsuban kopoguhu palan haang dino nopo nga montok papavasi pomumusoou di au avasi dino, ka disido.

Minoboos i Jamil kobohingkangan kapatazon gajah saasabap no do piagahan mamasi gajah miampai izonon tuhun nga nantakan somok id saviavi kinoizonon kinatazadan gajah, miaga do pomitanan dino India, Sri Lanka om Kenya. Minoboos isido Sabah kakal id kinavas di tavasi tu okon miaa tampat ngaavi dino, aiso toi ko apaagau antakan kapamatai do tuhun saasabap no do sinangod gajah.

Ontok po nogi dino, pinopointahang i Jamil tumanud ginumu babaino gajah id pogun diti, mamasi om taakanon di kivaa, uangan miampai mogisusuvai pongkimamaan panamangan om pomogompizan kaampai no Palan Haang 10 toun dino, mantad dino gajah au opunso id pogun Sabah.

Tumanud disido poguhudan dino nogi sinokodung do tangabaa ointutunan kokomoi gajah kaampai no Dr Raman Sukumar, songuhun tabaa gajah ointutunan id India.

Ka disido Dr Raman ontok id Kota Kinabalu di Vuhan Koopod om Duvo toun nakatahib montok tumindapou Mitingan Tinimungan Tangabaa Gajah Asia pinopoiho do otumbazaan isido gajah id Sabah au opunso, om ginumu kapatazon babaino gajah aanu momogonop do ginumu babaino gajah id Sabah. Bernama

   
Email Print