Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Motorcyclist, 17, dies after being run over by lorry |  Export, import unit value indices slip 0.02 pct, 0.7 pct in June 2020 – DoSM |  Mitingan poimbida PRN Sabah id suang timpu duvo minggu |  Susumakai motusaikol nopujulan kiniopon noonsulan |  Koonduan dumagang dadah tinaan |  KKJG mampu semarakkan lagi semangat patriotisme |  Minggu suai mesra pelajar baharu PPST UMS secara atas talian |  Penunggang motosikal maut digilis lori |  Polis tahan seorang wanita dipercayai pengedar dadah |  Dua kilang memproses ais beroperasi secara haram diarah tutup di Semporna |  Masidi dilantik Pengerusi Lembaga Pengarah UMS |  UMS sedia dana RM7.6 juta Geran Pemulihan Impak COVID-19 |  Tidak patuh SOP PKPP, dua peniaga dikompaun RM1,000 |  New COVID-19 clusters will not affect M-League restart |  Minor setback for Tambadau | 
 Kadazan Dusun

Nakahantoi pulis minonguhan 6 kiis manakau sumuang hamin

15th January, 2020

Di JAINUDIN DJIMIN

LABUAN: Nakahantoi o pulis minonguhan 6 kiis sumuang hamin i nantakan poompus timpu koundangan sikul kohimpupuson toun 2019 om timpuunon Vuhan Koiso 2020.

Huguan Pulis Tana Pisompuuvan Labuan Supt. Muhamad Farid Ahmad minoboos, kinahantazan dino mantad no nagakom duvo kusai tuhun kinoizonon kiumul 29 om 23 toun i kikotumbazaan nokogompit id suang saviavi kiis dino i nakapanau poompus suti sikul.

“Songuhun mantad di natandasan opulokis monoodo kalaja manakau id suang hamin dino nahantoi minanaan kahapas noihaan mazaa kamera poinhosok ontok suminuang id upis Hongkod Pomuuvan Zakat (PPZ) i nosogu nantakan ontok di ko 7 Vuhan Koiso nakatahib,” ka disido kuminaa media id suang iso pitimbungakan abal id upis disido, di koniab.

Minoboos isido, id suang kinantakan dino, boogizan PPZ Labuan natagakan usin kiginumu RM4,247 miampai nokotoguvang koumbakan halata miaga do set alarm vavazaan om kamera pointutub miampai piipio koumatan di suvai,

Minoboos i Muhamad Farid, tumanud pinonguipan kamera pointutub dino i natandasan nahantoi minanaan ontok di ko 8 Vuhan Koiso nakatahib kuang hobi jam ko 8 touvong.

“Asil mantad pinonoizukan, songuhun vagu di natandasan nga tinaan sangadau kahapas di natandasan koiso nagakom. Duuduvo di natandasan minangakun minonoodo himo kiis sumuang hamin pinopoompit iso hamin kedai hardware, tohu hamin sivaan, iso hamin mongingia,” ka disido.

Muhamad Farid minoboos, songuhun mantad di natandasantinaan kivaa duvo kiis kahasaan tavagat nakatahib i nokotoguvang haid ukum tolungku dioho duvo toun om 18 vuhan.

Duuduvo di natandasan kivaa kalaja sabaagi monunuhung id kedai hardware tinaan naamot kihinaid do 7 tadau montok koponoizukan tumanud Seksyen 457 Kanun Koponinduahan.

Ka di Muhamad Farid, sumusuut mantad pinamagakaman duuduvo di natandasan, nakahantoi nogi o pulis minagaau mahik mogisusuvai balang i pinanakau kihoogo RM18,419.00.

Vookon balang di pinapanau nahantoi nagamu mahik dino duvo unit TV 41 inci, duvo unit tuung gas, duvo unit kipas, iso sinsing amas, Ipad kingaan Apple, iso souva jeans kingaan Lives om duvo pasang kasut kingaan Adidas miampai duvo resit pinopoduduk amas id ngaan di natandasan.

Nagamu nogi do pulis iso kulita Kancil i kikotumbazaan ginuno ontok monoodo abaabazan manakau.

   
Email Print