Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Motorcyclist, 17, dies after being run over by lorry |  Export, import unit value indices slip 0.02 pct, 0.7 pct in June 2020 – DoSM |  Mitingan poimbida PRN Sabah id suang timpu duvo minggu |  Susumakai motusaikol nopujulan kiniopon noonsulan |  Koonduan dumagang dadah tinaan |  KKJG mampu semarakkan lagi semangat patriotisme |  Minggu suai mesra pelajar baharu PPST UMS secara atas talian |  Penunggang motosikal maut digilis lori |  Polis tahan seorang wanita dipercayai pengedar dadah |  Dua kilang memproses ais beroperasi secara haram diarah tutup di Semporna |  Masidi dilantik Pengerusi Lembaga Pengarah UMS |  UMS sedia dana RM7.6 juta Geran Pemulihan Impak COVID-19 |  Tidak patuh SOP PKPP, dua peniaga dikompaun RM1,000 |  New COVID-19 clusters will not affect M-League restart |  Minor setback for Tambadau | 
 Kadazan Dusun

Tiinumon kaavuk kihoogo RM144,151 nagamu pulis

15th January, 2020

PENAMPANG: Tinaan do pulis duvo kusai om nakapagaau 1,114 crate mogisusuvai kavo tiinumon kaavuk i pisosoomo kihoogo kuang hobi RM144,151 ino nopo nga hoogo kahapas sukai id suang pinonugkuan id iso uvang tana tohivang id Talun-alun Lembaga Vaig Kasigui, somok doiti di Tadau Koonom.

Pesuruhjaya Pulis Sabah Datuk Omar Mammah minoboos duuduvo kusai kiumul 20 om 36 toun dino tinaan ontok maamaso popoundahiu tiinumon kaavuk dino mantad iso lori kumaa iso vagu lori misuvai.

“Poguhui pinonugkuan, boogizan Hongkod Upis Pulis Uvang (IPD) Penampang pinapapanau pongintangan kumaa abaabazan dino kihinaid do sominggu om lori dino kikotumbazaan id uvang dino mantad po sombuhan nakatahib,” ka disido kuminaa magaganu abal di koniab.

Minoboos isido duuduvo kusai dino tinaan naamot kihinaid do apat tadau montok monuhung koponoizukan, om kiis soizukon tumanud Seksyen 135 (1) (d) Akta Kastam 1967.

Naamot dino id Sandakan, pinunso do pulis 19,700 mogisusuvai kavo balang kiis i nagamu mantad po 2003 i nouhan no mazaa koponoinaan kuut, vookon dino cakera padat video (VCD) miampai cakera video digital (DVD) kihoogo kuang hobi RM95,000, om piipio set computer kihoogo posoihi RM63,000.

Huguan Pulis Uvang Sandakan ACP Mohd Azhar Hamin minoboos balang kiis i pinunso di koniab pinopoompit 31 kiis id siibo Seksyen 18 (4) (a) om (b) Akta Panaasan Filem 2002 om Seksyen 292 Kanun Koponinduahan, miampai 37 kiis id siibo Seksyen 4B Akta Hamin Judi Poingukab 1953.

“Kiginumu 19,063 VCD om DVD mogisusuvai tuhu nagamu mantad po 2003 gisom 2018, om 637 set computer i gunoon id suang mogisusuvai kiis judi nagamu mantad po 2008, om 637 set computer i gunoon id mogisusuvai kiis judi nagamu mantad po 2009 gisom 2014,” ka disido kuminaa magaganu abal kahapas nopupusan lamai pomunsaan balang kis dino id doiti.

Minoboos nogi isido lahan pomunsaan balang kiis nopo nga tumanud kootulan om ponontudukan Koupisan Sandad Posoihi. Bernama

   
Email Print