Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Former Sabah MCMC deputy director charged with misappropriating RM17,930 |  H1N1: SK Stella Maris students in stable condition |  Positive start for Yulianto |  Vegas Showgirl favourite for Chairman’s Cup |  Newest recreational trail opens at Kg Talantang in Kiulu |  Aku keluar negara lagi |  Kusai kinoizonon miampai dadah nataan |  Tana id uvang Luasong pobuuon miampai pomutanaman mogiamung |  Bagas Kumoduvo Potunud SKMM Sabah pinotoguvang id kuut |  UMS sedia adakan MoU dengan MBRKK |  Upskilling opportunities for JPSM students |  HDC to promote Malaysian talents for global halal industry |  Sabah exporters able to grow businesses by leveraging on MATRADE |  MPI, MPOC team up with Berjaya to promote palm oil |  1,200 hektar tanah di Luasong, Tawau dimajukan dengan pertanian | 
 Kadazan Dusun

Pamahagaan kumaa komuhakan i pinapavasi ngaan Sabah, Pogun

13th December, 2019

KOTA KINABALU: Komontilian Komuhakan om Sipoot Sabah minanaak pamahagaan kumaa komuhakan i pinapavasi ngaan pogun hoohobi nokozo Sabah id suang mogisusuvai boogizan di naampazat.

Montili dino Phoong Jin Zhe minoboos pamahagaan dino nopo nga kiguno montok momohoogo sakadai dioho i tuutulus koinsavat vagu hizab dioho montok tuutulus abaa id suang boogizan di naampazat.

“Okito ku ogumu komuhakan id pogun diti i nakadampot ogumu kahantazan id habus pogun au mongintong ino nopo nga boogizan sipoot toi ko boogizan suvai miaga do sazau toi ko hozou. Saasabap no dino monoodo tokou iso lamai montok mamalamai dioho,” ka disido id suang sesi townhall miampai koisaan komuhakan id Sabah id doiti di koniab.

Minoboos isido komontilian disido nga manaak sakadai kumaa komuhakan di tumanud nuununu piboian id habus Sabah om habus pogun.

“Poguhui diti nga minonuhung zou piipio tuhun toi ko tinimungan i tuminanud piboian sipoot id Semenanjung. Sundung i do ingka au ogumu sokuukuang nokozo ino kaanu mongingiaan balanja dioho,” ka disido.

Naamot dino, minoboos i Phong mongkimamaa o polinta montok tuutulus papavakas kotundaan komuhakan id Sabah.

“Popogumu tokou pinghudaan toi ko abaabazan miaga do pongindopuan id pototongkop Sabah montok papavakas vagu ikonomi tinimungan komuhakan.

“Saasabap no dino mokianu zou do koisaan ngaavi komuhakan di mimang mangazu do nuununu pinghudaan toi ko abaabazan sumoomo miampai dogo, tu komontilian kivaa sakadai montok nuununu abaabazan montok papavakas komuhakan id Sabah,” ka disido. Bernama

   
Email Print
   
 
 
E-browse