Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Former Sabah MCMC deputy director charged with misappropriating RM17,930 |  H1N1: SK Stella Maris students in stable condition |  Positive start for Yulianto |  Vegas Showgirl favourite for Chairman’s Cup |  Newest recreational trail opens at Kg Talantang in Kiulu |  Aku keluar negara lagi |  Kusai kinoizonon miampai dadah nataan |  Tana id uvang Luasong pobuuon miampai pomutanaman mogiamung |  Bagas Kumoduvo Potunud SKMM Sabah pinotoguvang id kuut |  UMS sedia adakan MoU dengan MBRKK |  Upskilling opportunities for JPSM students |  HDC to promote Malaysian talents for global halal industry |  Sabah exporters able to grow businesses by leveraging on MATRADE |  MPI, MPOC team up with Berjaya to promote palm oil |  1,200 hektar tanah di Luasong, Tawau dimajukan dengan pertanian | 
 Kadazan Dusun

Tinimungan mongingia Labuan tuminindapou do kimpin kasaavan bato

13th December, 2019

Di JAINUDIN DJIMIN

LABUAN: Kiginumu 90 mohoingon mongingia, mongingia om upisol tinimungan monoodo tuminindapou do Kimpin Kasaavan Bato i naazu do Kounsol Bato Nasional (MAKNA) id Hinimput Mitingan Botanikal, Koupisan Balajalan Wilayah Persekutuan Labuan (JPWPL), di kavavagu diti.

Kimpin Kasaavan Bato diti kiangkab montok manaak kointahangan id lahan poinguhud kokomoi bato, kotoinaan MAKNA, miampai lahan monuhung di kitoluo montok kaanu pongusapan. Kimpin diti toinaon do Sektor Poguhudan, JPWPL.

Tumanud Upisol Kotundaan Dana MAKNA, Melen Anak Sana, bato i aanu manahob om mongusap nung oihaan id nazatan kopoguhu.

Nga ka disido, kasaavan bato id suang tinimungan mogiigizon Malaysia kakal osiibo id nombo kogumuan kitoluo i mikot id hamin pogusapan montok mokianu pongusapan koubasanan dino id nazatan kohimpupuson.

Nogi vagu, ka disido, balajalan pogusapan di takavas saasau adadi kobohingkangan montok kitoluo di au songkuo tangangazan.

“Kounsol Bato Nasional toi ko hobi ointutunan sabaagi MAKNA nopo nga iso koisaan sosial pakalaja montok monimung om momoguno potitikid pongkimamaan, kabaahan om kotundunan mantad potitikid mogiigizon montok humavan bato om monguang linuo, kosinduahan om morbiditi i kitoluo bato saasau kotoguvang,” ka disido.

Naamot dino, Panakadai Potunud Sektor Poguhudan Koupisan Balajalan Wilayah Persekutuan Labuan, Kamariah Salim, minoboos kimpin diti naazu montok manaak kasaavan kumaa saviavi tuhun mongingia id JPWPL i kohigaganan kitoluo bato om kiguno ino mongintutun hobi kopoguhu montok modihin koozuzuvo adadi hobi oindamaan.

“Kasaavan saviavi boogizan nopo nga kiguno montok manahob om mongintutun bato hobi kopoguhu. Bato aanu manahob om modihin mazaa koubasanan koulalaho koposizon tohidas. Humansan tokou mooi kointahangan di pinohombus do boogizan MAKNA aanu piomungan kumaa puu paganakan om tambahut,” ka disido.

Nokotindapou nogi id suang kimpin dino Panakadai Potunud Sektor Sandad Vinakas, JPWPL, Azryn Haji Mamma.

   
Email Print
   
 
 
E-browse