Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Eight-year-old boy snatched by croc in Kinabatangan River |  Korean national charged for injuring local man |  National Rugby 7s captain to be selected soon |  Gymnasts set to switch training venue |  SSPN records investment profit of RM118.46 mln in first half 2020 – PTPTN |  AirAsia accelerates digital transformation by implementing robotic process automation |  flexi2pay app to help gig economy players manage financial activities |  Pesawat kargo Pos ACE selamat mendarat di Tawau |  Kinosonongon surupukaraja pomorunan kurier pogun nokosigampot 70 pihatus di 2019 |  Kusai aiso kalaja tinolungu apat toun |  Kusai nopujulan kiniopon noonsitan traktor |  13 nagakom id ponginaman mogohimu sumuang |  Lawatan khas Program Tautan Kasih Merdeka eratkan silaturahim penduduk saudara Islam di Pulau Sepanggar |  160 hadiri Mesyuarat perhubungan Ketua Jabatan di Sabah |  Jawatankuasa PPKK jalin k-sama lebih banyak sekolah | 
 Kadazan Dusun

90 piatus sikul nakahaid id pototongkop pogun noumbosian

13th December, 2019

KUALA LUMPUR: Komontilian Balajalan Malaysia (KPM) nakahantoi minomongo 90 piatuis mantad saviavi 534 projik mongumbasi sikul nakahaid id pototongkop pogun toun diti, ka di Montili Balajalan Dr Maszlee Malik.

Minoboos isido kiginumu 452 projik nosuat gisom baino om pisosoomo tuutulus koinsavat koikatan kohimpupuson toun diti.

“Ikoton dotokou aiso sikul nakahaid mooi saviavi mongingia, saviavi susumiul kaanu kosuangan kumaa okon balajalan kikualiti nga infrastruktur sikul i momogonop balajalan di pointantu. Ino kahansanan dagai.

“Popovihiu tokou (sikul) id nombo di momoguno kozo dotokou monguhan om di suvai ahansan oikot timpu dino id lahan mogisusuut. Projik (mongumbasi) sikul nakahaid i nouhan dotokou okon nopo id Sabah om Sarawak sundung tu majority dino id Sabah Sarawak, kivaa nogi id Semenanjung onuan pongintangan,” ka disido.

Minoboos isido dino ontok nadadi tombuhui abaabazan Bicara Naratif: Pendidikan Untuk Semua i pinahabus potihombus id TV 1 totuvong koniab.

Minoboos isido kopoguhuanan pataakon kumaa sikul ngaavi nakahaid i nokoimagon au atampasi do Koupisan Kalaja Pindahanan om popounsub boogizan pongintangan id suang komontilian montok kapanaak asil nuununu kapanadaan projik.

Poguhui diti, Montili Kousinan Lim Guan Eng pinopoboos sakadai kiginumu rM783 lizong montok mongumbasi sikul ngaavi nakahaid mazaa Belanjawan 2020 montok monguhan kobohingkangan sikul nakahaid id pototongkop pogun.

Naamot dino, minoboos i Maszlee balajalan montok saviavi nadadi ontodonon nigitan di pobuuon komontilian dino montok mongintong potitikid boogizan kaanu kosuangan kumaa balajalan kikualiti.

“Au tokou mimang vookon tuhun dino koingisan mantad balajalan saasabap nopo do izioho mantad tinimungan mosikin toi ko mantad tinimungan di marginalized toi ko aiso tangangazan dioho. Saasabap no dino vookon ahal di kinaman tokou mongkimamaa nopo nga kosuangan balajalan kumaa tanak sikul kikogunaan poimbida toi ko OKU (Tuhun Au Kadansaan).

“Ahapas dino kiangkab tokou mongintong aiso nodii tanak sikul di koingisan om kiangkab tokou mongintong nogi do sikul dino poingukab montok saviavi tanak sikul kaampai no dioho di antaban tu aiso do suat kointutunan,” ka disido.

Tumanud di Maszlee ontok toun diti, KPM pinopoimagon pongkimamaan polisi ponulakan sifar miampai mognintong tanak ngaavi kikogunaan poimbida kaanu sumikul id sikul polinta.

Pinopoiho isido komontilian disido nakahantoi minonuidong kiginumu 10,200 kelas balajalan susumikul kikogunaan poimbida (OKU) id pototongkop pogun ontok toun diti om nokoponuat koinsavatan kiginumu 526 kelas miampai kouangan tanak sikul kiginumu 4,821 tuhun.

Saviavi dino ontok timpu diti, kiginumu 88,419 tanak sikul kikogunaan poimbida nokolijisto om nokosikul id sikul polinta.

Pinopoiho nogi i Maszlee asil kopomoiganan pongkimamaan aiso koingisan i pinopoompit mongingia om boogizan sikul toun diti, kiginumu 4,369 tanak sikul nokoguhi sumikul om aiso nodii koingisan.

Suvai ko kosuangan tosuau OKU id sikul, minoboos i Maszlee vookon suvai, polisi inklusif OKU nga nokoimagon id Univositi Islam Sompomogunan Malaysia (UIAM) ontok Vuhan Kosizam nakatahib sabaagi pongkimamaan mamadadi kampus id univositi polinta om minsosondi hobi osuau OKU. Bernama

   
Email Print