Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Former Sabah MCMC deputy director charged with misappropriating RM17,930 |  H1N1: SK Stella Maris students in stable condition |  Positive start for Yulianto |  Vegas Showgirl favourite for Chairman’s Cup |  Newest recreational trail opens at Kg Talantang in Kiulu |  Aku keluar negara lagi |  Kusai kinoizonon miampai dadah nataan |  Tana id uvang Luasong pobuuon miampai pomutanaman mogiamung |  Bagas Kumoduvo Potunud SKMM Sabah pinotoguvang id kuut |  UMS sedia adakan MoU dengan MBRKK |  Upskilling opportunities for JPSM students |  HDC to promote Malaysian talents for global halal industry |  Sabah exporters able to grow businesses by leveraging on MATRADE |  MPI, MPOC team up with Berjaya to promote palm oil |  1,200 hektar tanah di Luasong, Tawau dimajukan dengan pertanian | 
 Kadazan Dusun

Songulun kawagu nogompitan kinoligaganan id New Zealand noiduan ginawo di konihab

9th December, 2019

KOTA KINABALU: Songulun po kawagu nogompitan kinoligaganan id Kaikoura, New Zealand pinoimagon do nokoidu pogun di jam ko 6.30 sodopon timpu nokoiyonon (ko 1.30 tanga adau timpu Malaysia) di konihab.

I nogompitan dilo Nur Irfan Adanan, 15, i po nogi tanak totuo kumaa di misasawo, Dr Rumihati Abd Hamid, 49, om i Adanan Jemain, 49, i nokorundun miampai tanak koduo diolo, Maisarah Arifah Adanan, 13, id kinaantakan nokomoi.

Ahal dilo pinoimagon di mononginan di Allahyarham Dr Rumihati, i Afifah Saiffudin, 33, i nakaramit habar dilo mantad puru paganakan dilo i babaino diti id Hospital Christchurch, New Zealand.

“Puru paganakan i minooi do hilo nokosiwat ruminuba di tiagak (Nur Ifran) pogulu nopututan ginawo dau sabab i tiagak nawagatan kinosinduolan id kinoligaganan dilo,” ka disio soira rinubaan id kinoiyonon paganakan dilo id Kampung Ulu Putatan do hiti di konihab.

Minoboros isio do solat ghaib do hiti montok tinan di nokoidu pogun maan poindalano katalib oinsanan powonsoiyon id New Zealand opongo.

Ka disio, tanak tomulok di nogompitan id kinoligaganan dilo i Nur Arifah, 11, nakaramit pongusapan id Hospital Wellington pinoruput do momogot om babaino diti kinoruhang di puru paganakan suai i koririkot di pitanga’adau konihab timpu nokoiyonon.

Tadau Kolimo di katatalib, tolu rayat Malaysia pinoruput napatai naamot duo kawagu awagat kinosinduolan ontok pimpanahan id pomogunan dilo.

Yolo sampaganakan i suminakai korita siwa nokogompit kinoligaganan miampai luri id Ralanmagayo Pogun 1, kabaatan Kaikoura di jam ko 3.10 sodopon timpu nokoiyonon (jam ko 10.10 kosuabon timpu Malaysia).-Bernama

   
Email Print
   
 
 
E-browse