Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Dua keluarga nekad hantar anak lelaki ke pusat rawatan dan pemulihan dadah |  Robert nafi tinggalkan StarSabah |  Too early to determine success or failure of KB paddy project – Dr Ronald |  CM hands over 2,300 individual land titles |  Virus break lets Shalin hit pause button - and prepare for restart |  ‘Don’t let them waste away’ |  Back to golfing as State squad prepares for Sukma Games |  Pendakian ke puncak Kinabalu dengan normal baharu |  Climbing Mt Kinabalu in the new normal environment |  All Sabah schools soon to be fully reopened with strict SOPs |  Gibraltar BSN extends Customer Relief Programme |  Tabung Haji records RM1.55 bln investment income in H1 2020 |  Perodua: Myvi 1.3L G (S-Edition) is for Brunei market |  Media Sandakan nakaramit toluod tokop todung om kabang |  Robert Tawik minogolim tuminongkiad do StarSabah | 
 Kadazan Dusun

Lobong tolu tanak di Ontoros ninsonongan

3rd December, 2019

Di MARUTIN ANSIUNG

SIPITANG: Koisaan Tujuh Jurusan Keluarga Pahlawan Ontoros Antenom (PUSAKA) Sabah pinapaharo do kinopomohondoman om kinoponginsonongan di wookon mantad lobong sakag di Datuk Seri Panglima Ontoros Antenom id watas kalabangan Mahunsop, Ulu Melamam kiikiro 20 kilometer mantad hiti di kaawagu diti.

Lobong dilo i haro mantad po di 70 toun nakatalib nopo nga lobong di tiagak Aru Sungulan, Aru Bayur om i Aru Bait ilo nopo nga tolu mantad di turu tanak di kobilangan Murut dilo.

Tumanud di Ponorikohon Pusaka Sabah i Sinawat Antakah @ Welly, kinopomolobongan di kototolu kobilangan do Murut dilo id watas Ulu Melamam doid watas Sipitang, haro pisowitan di kinoundolihan diolo talib di pinisangadan Salangit Rundum 1915 i nakapaampai do kinasahapan di tama diolo kumaa mogkukuasa Boritis doid Borneo Utara (kointutunan di ontok dilo).

Ka disio, ogumu tulun do Murut i amu nokoilo do kakal haro tanak om waris di Ontoros @ Antenom i kakal poinpasi pogulu kinomordikaan Sabah di ko 31tw Kowalu 1963, nga nasansagan do linisok montok no do koumoligan kaampai no kinoiyonon do pinamalabangan tangaanak disio id Mahunsop, Ulu Melamam, Sipitang.

Nga ka disio, do baino diti waris ngaawi di Ontoros @ Antenom okon nodii ko lilisokon tu noturidong pogi’ o Koisaan Pusaka nosusuhut do pinogirurubaan paganakan asapou di kobilangan dilo di ko 12 gisom ko 13tw Kotolu 20102 id Kampung Salarom Baru, Nabawan.

“Ababayan dilo oniba’ nga’ agayo rati kumaa koinsanai waris om nogi Pusaka, tinimpuunan ilo di kinopongukaban pinotomod do watu nisan di kototolu luguan paganakan jurusan, sinusuhut do kinoponunguhan waig Pusaka om kinapanasadan bunga sabaagi kopokitonan do kopongupusan solilinaid diolo kumaa kototolu aru diolo di tongo waris,” ka di Sinawat.

Id ahal di sopisuai, pinokianu di Sinawat o bohogian kikuasa do popolulus upalai do MPKK montok projik ponuridongan sulap kalabangan Mahusop Ulu Melamam do osisikap sabab upalai dilo alaid no wonsoiyo do mogigigiyon kaampai no monginsonong ralan sumuang id watas pamalabangan dilo i amu awayaan do padsakaian.

Nokotindapou nogi id ababayan dilo i Molohingon Kampung Melamam i KK Kumpot Amat, Monontuduk Pusaka i Samat Lakai Albert, Monunurat Pusaka Dua Padan Robert om i Luguan Jurusan Aru Rikut Ontoroh Antukar po nogi Monobubut Pusaka Saba.

   
Email Print