Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Commotion in Dewan Rakyat over election of Speaker, the words 'gelap' and 'bedak' |  Ferries and passenger boats in Sabah can operate at full capacity |  Feri om padau susumakai id Sabah pakavasaon do koumpasan di oponu |  JKDM Sabah nakapagaau dadah kihoogo RM1.15 lizong |  Taska mula dibuka di Sabah dengan ikuti SOP |  Eighth rehabilitated sun bear released into the wild |  Matta urges govt to extend loan moratorium for tourism industry, protect sectors |  AirAsia Hotel Bundle Deals offer up to 50 pct savings on city hotel stays |  Air Traffic Rights applications drops 74.3 pct in 1H20 |  Belum diputuskan |  Sabahan Bulldozer cipta nama di Australia |  Mogigiyon mokiinsian kopongundaran ralan om jambatan |  Belia dari 11 kampung Mukim Rosok Bangkahak gotong-royong baiki paip |  Inisiatif NGO bersama penduduk kampung baiki kerosakan akibat banjir |  Penduduk rayu jambatan rosak dibaiki | 
 Kadazan Dusun

Kusai Pakistan tinaan tu au tuminanud kootulan Imigresen

17th October, 2019

Di JAINUDIN DIJIMIN

LABUAN: Pulis Marin id doiti minanaan songuhun kusai tuhun Pakistan id pitakasan Pulau Papan tu noihaan au tuminanud kootulan poomit id siibo kootulan Imigresen 39 (b) 1963.

Komander Tinimungan Pulis Tana Pisompuuvan 4, Sabah, ACP Mohamad Pajeri minoboos, kusai kiumul 22 toun dino tinaan di kuang hobi jam ko 4.30 minsosodopon di Tadau Koduvo ontok padau monoizuk PSC 1 miampai apat puu maamaso monoodo pomolisaan kumaa iso padau toidau nokolijisto pitakasan Pulau Papan id suang iso koponoizukan Op Gelora.

“Asil pinomolisaan poingonop noihaan songuhun kusai Pakistan pinapataan passport miampai au minazaa pomolisaan om com Imigresen Sabah. I natandasan kikotumbazaan momoguno vazaan Kuala Lumpur- Labuan montok sumuang om humabus mantad Sabah miampai lahan modihin mantad pomolisaan Imigresen,” ka disido id suang iso kointahangan id doiti di koniab.

Mohamad Pajeri minoboos asil pinomolisaan dino, boogizan pulis nga nokosoomo iso tiket podtuhudan Air Asia mantad Labuan kumaa Kuala Lumpur.

“I natandasan noihaan minonoodo kahasaan id siibo kootulan 39 (b) Kootulan ngaavi Imigresen 1963 ino nopo nga au tuminanud kootulan pas/poomit om nokoikot id Sabah kototongob,” ka disido.

Nung kogompit kahasaan ka disido, i natandasan ukumon tolungku au katahib 6 vuhan toi ko danda au katahib RM1,000 toi ko duuduvo.

Minoboos isido, i natandasan noovit kumaa Hongkod markas Kalaja Tinimungan Pulis Marin Labuan montok kopongintutunan om luputan pulis tinoodo montok haang sumusuut.

Ontok po nogi dino, pinopointahang i Mohamad Pajeri tinimungan Pulis Marin Wilayah 4 Sabah tomoimo moguhud kapapanaai aset miampai upisol om puu papanau kalaja om koponoizukan panamangan kahasaan tavagat id pitakasan pogun hoohobi no kozo Sabah om Labuan montok mongintong nuununu abaabazan di humasa undang-undang aanu monguhan.

   
Email Print