Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Commotion in Dewan Rakyat over election of Speaker, the words 'gelap' and 'bedak' |  Ferries and passenger boats in Sabah can operate at full capacity |  Feri om padau susumakai id Sabah pakavasaon do koumpasan di oponu |  JKDM Sabah nakapagaau dadah kihoogo RM1.15 lizong |  Taska mula dibuka di Sabah dengan ikuti SOP |  Eighth rehabilitated sun bear released into the wild |  Matta urges govt to extend loan moratorium for tourism industry, protect sectors |  AirAsia Hotel Bundle Deals offer up to 50 pct savings on city hotel stays |  Air Traffic Rights applications drops 74.3 pct in 1H20 |  Belum diputuskan |  Sabahan Bulldozer cipta nama di Australia |  Mogigiyon mokiinsian kopongundaran ralan om jambatan |  Belia dari 11 kampung Mukim Rosok Bangkahak gotong-royong baiki paip |  Inisiatif NGO bersama penduduk kampung baiki kerosakan akibat banjir |  Penduduk rayu jambatan rosak dibaiki | 
 Kadazan Dusun

1.4 lizong aiso MyKad sundung tu kiumul hobi 12 toun

17th October, 2019

PUTRAJAYA: Kuang hobi 1.4 lizong layat Malaysia i kiumul 12 toun om kivaa suat kinosusuvon noihaan kakal aiso po kad kointutunan, ka di Montili Suang Pogun Tan Sri Muhyiddin Yassin.

“Izioho i aiso kad kointutunan MyKad sundung tu apatut dino kivaa tu kiumul nodii 12 toun. Monuu zou isai nopo (tuhun Malaysia) i aiso do kad kointutunan montok maganu dino tosisikap datu tu ino nopo nga iso suat di kiguno,” ka disido.

Tumanud pinoguntaban Koupisan Kopolijistahan Pogun (JPN), mantad ginumu 1.4 lizong dino, 45,588 tuhun noop nga izioho i kiumul 13-17 toun, 970,377 (18-80 toun), 110 537 (81-90 toun) om 302,694 (91 toun id savat).

Izioho aiso do kad kointutunan tu mogisusuvai nontodonon vookon dino poingizon id uvang sokid, nohiivan om mohoingon au koiho,” ka disido kuminaa magaganu abal kahapas koponoimaan Tadau Kopolijistahan Pogun id JPN id doiti di koniab.

Tumanud di Muhyiddin, kivaa 22 lizong mongingit MyKad ontok timpu diti.

Huguan Potunud Koupisan Kopolijistahan Pogun Datuk Ruslin Jusoh id suang pason disido id lamai dino minoboos piipio koponoinaan upalai id lahan suang talian montok kotoinaan ngaavi kopoguhu kotimpuun toun tiiso.

Ino miaga do upalai kopolijistahan kinosusuvon, koponimputan suat kinosusuvon, upalai MyKad koinsan nogi 12 toun, koponimputan rekod kad kointutunan do misosonguhun om agensi dahabus, om upalai pisasavaan montok mongupalai okon Islam, ka disido.

“Montok kotoinaan diti, mongupalai mikot nopo montok papataak tanda suat ngaavi kopoguhu poguhui monoodo kopomuuvan,” ka disido.

Tumimpuun toun diti, ka disido JPN minonoodo kopolijistahan kapatazon id lahan suang talian mazaa integrase miampai sistom Pulis Diraja Malaysia id nombo potitikid kapatazon id lahan suang talian mazaa integrase miampai sistom Pulis Diraja Malaysia id nombo potitikid kapatazon i nokosogu id balai pulis Semenanjung Malaysia id lahan automatic kosuat id suang sistom kapatazon JPN.

“Upalai pamaganti MyKad nga baino todoon id lahan suang talian miampai au tagal mikot id upis JPN. Mongupalai mositi mikot nopo id upsi JPN montok monoodo kopogonuan Mykat,” ka disido.

Muhyiddin id suang pason disido poguhui dino minoboos Suruhanjaya Pomihian (SPR) om JPN minonuidong Komiti Pakalaja Poimbida montok mongintong kapanadaan kopolijistahan momihi id lahan automatic i pisosoomo kotimpuun ontok ko 1 Vuhan Kotuu 2021 avasi kapapanaai.

Monuu isido SPR om JPN monoodo kimpin tagaagazo hoohobi no kozo kogompit kopoguhudan toi ko kopoundohian nizonon kumaa momogun di nokoohon tampat pogiigizon.

“Iti kaanu nodii izioho i dumampot umul 18 toun om kipotutan mongundi kolijisto id suang uvang mongundi id lahan automatic tumanud nizonon touvi no id suang hongkod data JPN,” ka disido. Bernama

   
Email Print