|
29th November, 2009
KOTA KINABALU: Tinimungan i kitangazan popotunui sakadai “korban” ontok kalamazan hari raya Aidiladha in ogi onitutunan sabaagi do Hari raya Korban unsubon mooi monoodo dino.
Panakadai Imam Tagazo Mosogit Pogun Sabah, Datuk Hj Asmali Bachi pinopoiho magaganu abal New Sabah Times id suang iso pinogudizaan ontok pinapabaagi do saging korban kuminaa tinimungan mosikin om izioho i poinsuang id kitangazan tosiibo id natadon Mosogit Pogun, di koniab.
Minoboos isido do miaga id komozon do hadis Nabi Muhammad Rasullullah S.A.W i kituni do “tuhun Islam i kitangazan montok monoodo korban” nga au monoodo dino mantad dino do kada kou sambayang miampai dagai.”
“Kivaa ogumu mogiigizon Islam id posoihi uvang Kota Kinabalu i kitangazan tosiibo om kipotutan monoimo daging korban ontok kalamazan hari raya aidiladha,” ka di Asmali.
Isido i nogi minomuuan pomogizan daging korban naazu do Syukbah Ibadah Mosogit Pogun minoboos do minongoot izioho do 17 tinan sapi, di koniab.
Minonimba iso tudizo, minoboos i Asmali 17 tinan i kinoot di koniab osodu mantad kouha montok poboogizon kumaa mogiigizon Islam i kipotutan monoimo id uvang Kota Kinabalu.
“Montok uvang Kota Kinabalu momoguno tokou sokuukuang no kozo 40 tinam tazam korban,” ka disido.
Daging korban dino pinabaagi kuminaa hobi soibu tuhun mononoimo kaampai no kowolisan kavavagu.
Saviavi 17 tinan sapi i kinoot di koniab nopo nga sakadai mantad di Huguan Montili Datuk Seri Najib Tun Razak, Kumoduvo Huguan Montili Tan Sri Muhyiddin Yassin, Vozoon Montili Sabah, Datuk Musa Haji Aman, Datuk Patawari Patawe om paganakan miampai tuhun ginumuan.
|
