|
|
|
Abdul Mijul pinopotunui sakadai kumaa songuhun mantad mononoimo.
|
29th November, 2009
KUDAT: Umno Boogizan Kudat minaganu pongkimamaan montok pinopotunui do sakadai usin mazaa abaabazan E-Sayang tuhun mosikin om kowolisan kavavagu (mualaf) montok mongingaan tonggungan dioho hoohobi nokozo id suang monoimo kalamazan Hari Raya Aidiladha.
Monunuat Umno Boogizan Kudat, Awang Haji Ibrahim minoboos, mononoimo i noonuan pongintangan mazaa abaabazan diti, nopo nga tinimungan balu, tuhun mohoing om kowolisan kavvagu i au po nokosuang id sakadai E-Kasih i pinoimagon do kopolintaan di kavavagu diti.
“Umno Boogizan Kudat i minonuhuk pongunsuban Huguan Montili, Datuk Seri Mohd Najib Tun Abdul Razak id suang gagasan 1Malaysia,” ka disido id lamai kopotunuzan sakadai dino i naazu id Mosogit Ar-Riyasi Tanjong Kapor, somok doiti, dikoniab.
Abaabazan dino, pinoimagon di Kumoduvo Huguan Umno Boogizan Kudat, Abdul Mijul Unaini i hinansan di Huguan Umno Boogizan dino, Datuk Bolkiah Ismail.
Awang i nogi Ponikoon Kapanadaan abaabazan dino, minoboos, id lamai dino nogi boogizan disido pinopotunui do 17 tinan sapi korban kuminaa 16 mosogit om surau id boogizan Kudat montok pobogizon kumaa tinimungan mosikin.
Id lamai dino, Abdul Mijul i nogi Puu Dewan Koundangan Pogun (Adun) Banggi id suang pason disido minoboos, layat id pogun diti mositi monongkotohuod miampai kotoonongon di naanu om sinuau i kivaa baino diti.
Ka disido, miampai kivaa kotoonongon om kaadangan pulitik i kivaa, ino kaanu nodi onu nopo abaabazan i tinoodo aanu monoodo do tavavasi dino.
Iti ka disido, misuvai miampai piipio pogun i nokotoguvang mogisusuvai kobohingkangan saasabap no do aiso kaadangan nontodonon do layat dioho au oundoso om kotoguvang mogisusvuai kobohingkangan id suang papanau koposizon potitikid tadau dioho.
Ontok po nogi dino, humansan isido do surau ngavi i au nokogompit id suang abaabazan diti do toun diti mooi do kotoboi.
|
