Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Vizione's unit shortlisted to develop Papar Dam in Sabah |  Blockbuster FA Cup final in store |  Sabah football all out to reach new heights |  Malaysia Autoshow Sabah Oct 19-20 to showcase latest vehicles |  UMS, UNICEF to introduce Communication for Development Sabah programme |  1.4 lizong aiso MyKad sundung tu kiumul hobi 12 toun |  Kusai Pakistan tinaan tu au tuminanud kootulan Imigresen |  Mongindapu koonduan suuon sumimban kumaa pongindopuan digital |  Human-elephant conflict in Sabah: Local community plays crucial role in conservation |  SPSB supports Petronas LNG Ltd in third STS operation |  Value of Tabung Haji's domestic equity rises by RM1.12 bln as of Sept |  AIA launches A-Plus MedCare rider |  M'rakat Murut digalakkan terus terap bahasa ibunda |  Raymond Ahuar buat laporan polis |  Program kempen simpanan khas pupuk amalan menabung di kalangan pelajar | 
 Kadazan Dusun

Puu bomba mositi tuutulus onuan koponoguvangan kantakan kiis kohigaganan lotilik

10th October, 2019

KOTA KINABALU: Puu bomba mositi tuutulus onuan koponoguvangan kokomoi kantakan akaron lotilik ontok papanau kalaja bomba, ka di Potunud Panamangan Koponoinaan Koumohigan Suruhanjaya Vinakas (ST) Md zakuan Ibrahim.

Minoboos isido koponoguvangan dino montok kaanu nodii puu bomba tumounda miampai haang kosudong ontok tumoguvang koozuzuvo popoompit lotilik.

Kogompit dino ka disido, ST miampai pisokodungan Sabah Electricity Sdn Bhd (SESB) miampai Koupisan Bomba om Manampasi Malaysia (JBPM) Sabah mangazu iso bobooson poimbida montok manaak koponoguvangan om kotoundaan kumaa puu bomba.

“Humansan tokou miampai koponoguvangan id lahan pointantu dino kohigaganan lotilik kumaa upisol om puu bomba kaanu modihin kiis kohigaganan lotilik onotk kalaja ngaavi papanaon om manampasi papanaon,” ka disido ontok minamason pinopoimagon Bobooson Koumohigan Lotilik kumaa puu bomba Sabah id doiti di koniab.

Minoboos i Md Zakuan mantad po 2015, ST nokotoimo tuu luputan kohigaganan lotilik i nantakan ontok kotutudan toi ko kalaja manampasi i pinopoompit puu bomba om tuhun ginumuan.

“Ontok toun diti ino nopo nga gisom Vuhan Kosizam nopo kiginumu duvo kiis kohigaganan lotilik nosogu om duuduvo nantakan id Sabah. Saasabap no dino, montok modihin ginumu diti tuutulus koinsavat mositi manaak tokou koponoguvangan kumaa puu bomba,” ka disido.

Naamot dino, minoboos isido mantad po tinuidong 17 toun nakatahib, ST nokoopnuat kiginumu 1,013 kiis kohigaganan lotilik miampai 503 mantad dino nokopoundun kiniopon.

“Potitikid toun id lahan saviavi dino nokotoimo izikoi 57 kiis kohigaganan lotilik om koponoizukan noihaan kogumuan kohigaganan nantakan saasabap no do pamasangan om koponoinaan di au pointantu,” ka disido. Bernama

   
Email Print
   
 
 
E-browse