Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Konflik manusia-gajah: Peranan m'rakat setempat penting |  Vizione's unit shortlisted to develop Papar Dam in Sabah |  Blockbuster FA Cup final in store |  Sabah football all out to reach new heights |  Malaysia Autoshow Sabah Oct 19-20 to showcase latest vehicles |  UMS, UNICEF to introduce Communication for Development Sabah programme |  1.4 lizong aiso MyKad sundung tu kiumul hobi 12 toun |  Kusai Pakistan tinaan tu au tuminanud kootulan Imigresen |  Mongindapu koonduan suuon sumimban kumaa pongindopuan digital |  Human-elephant conflict in Sabah: Local community plays crucial role in conservation |  SPSB supports Petronas LNG Ltd in third STS operation |  Value of Tabung Haji's domestic equity rises by RM1.12 bln as of Sept |  AIA launches A-Plus MedCare rider |  M'rakat Murut digalakkan terus terap bahasa ibunda |  Raymond Ahuar buat laporan polis | 
 Kadazan Dusun

Kopotundaan id watas Parlimen Pensiangan onuan koposuulan

23rd September, 2019

Di MARUTIN ANSIUNG

KENINGAU: Koporintaan maganu kopomodulianan di kobolingkahangan i potoguang do mogiigion id watas Parlimen Pensiangan i pasanganu do tolu watas Lintuhun Koundangan Pogun (DUN) dumontol Pomilian Tagayo Ko-15 (PRU15).

Montiri Koburuon Infrastruktur Datuk Peter Anthony minoboros, ogumu kobolingkahangan i kiguno soibahan id watas diti miagal do monginsonong talun-alun kampung, mongundar jambatan naraag, monginsonong pangaba waig om lotirik.

I Peter po nogi Presiden KDM Malaysia minoboros do poruntukan montok popoindalan projik ngaawi dilo napalan om nokotoguang kumaa Boyoon Montiri montok posuangon id Bajet 2020.

“Watas DUN Tulid nga amu nogi oiduanan id palan diti sundung do ilo nopo nga watas wagu suai ko DUN Sook om Nabawan. Kalansanan tokou i Boyoon Montiri popolulus poruntukan i pinokianu dati,” ka disio kuma media id ababayan Sopisuau Miampai Mogigiyon DUN Tulid id Lintuhun Gereja St. Blasius Kampung Magatang doros hiti di songkonihab.

Suai ko ilo, ADUN Melalap dilo minoboros, kobolingkahangan kosongonuan tana di mogiigiyon id watas diti nga maan nogi soibahai mooi do kasanganu yolo do geran mimpopori toi N.T.

“Id ahal diti nopokianu dati o Koupisan Tana om Monunukat monginsikap koponukatan om potilombus dino kopolobusan geran N.T kumaa mogigiyon i hinapadan no toun do mogindad garan tana diolo,” ka disio.

Id ababayan dilo, pinopotoluod i Peter do RM50,000 montok kogunaan Gereja St. Blasius Kampung Magatang i notindapou di kikiro 3,000 mogigiyon.

Nokotindapou nogi i Monguhup Montiri Koburuon Labus Kakadayan Rasinin Kautis, Monunurat Pulitik Boyoon Montiri Adzhar @ Eddy Tan Sri R.M Jasni om i bagas Luguan Hakim Negara Tan Sri Richard Malanjum.

Nokopogulu i Peter po nogi Presiden Koisaan Mimbuul Sabah (SAFA) pinapatahak kunci walai toluod SAFA kumaa di bagas mamamain buul Sabah i Paulus Jimit @ Mohd Firdaus id Kampung Seberang Tabilung Tambunan.

I Paulus, 57, i mamain sabaagi ‘midfield’ di toun 70an om 90an miampai di mamamain buul Sabah nabantug i Datuk James Wong om i Datuk Hassan Sani, babaino diti nakakung sampaping tinan om amu koboros soira noontok do ‘angin ahmar’ di toun 2015.

   
Email Print
   
 
 
E-browse