Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Vizione's unit shortlisted to develop Papar Dam in Sabah |  Blockbuster FA Cup final in store |  Sabah football all out to reach new heights |  Malaysia Autoshow Sabah Oct 19-20 to showcase latest vehicles |  UMS, UNICEF to introduce Communication for Development Sabah programme |  1.4 lizong aiso MyKad sundung tu kiumul hobi 12 toun |  Kusai Pakistan tinaan tu au tuminanud kootulan Imigresen |  Mongindapu koonduan suuon sumimban kumaa pongindopuan digital |  Human-elephant conflict in Sabah: Local community plays crucial role in conservation |  SPSB supports Petronas LNG Ltd in third STS operation |  Value of Tabung Haji's domestic equity rises by RM1.12 bln as of Sept |  AIA launches A-Plus MedCare rider |  M'rakat Murut digalakkan terus terap bahasa ibunda |  Raymond Ahuar buat laporan polis |  Program kempen simpanan khas pupuk amalan menabung di kalangan pelajar | 
 Kadazan Dusun

Molohing kiguno manapad pomogunaan kakamot elektronik do tanak

23rd September, 2019

KUALA LUMPUR: Bohogian poinggompit, lolobi no molohing, kiguno papatantu gontob pomogunaan kakamaot elektronik miagal do ‘tablet’ toi telipaun pintar do tanak diolo montok mongilag araag o mato diolo, ka di Timbang Ponorikohon Totuo Yayasan Pongilagan Kopomusalaan Malaysia (MCPF) Tan sri Lee Lam Thye.

Minoboros isio songinan ponolidikan sompomogunan pinopoilo do tanak-anak amu aanu pabantaon kumaa kakamot elektronik miagal do tablet, telipaun pintar toi televisyen solinaid duo jaam sominggu montok mongilag do waya taraat kumaa mato diolo.

“Iti kirati do tanak-anak aanu no do pasagaon montok mogigianak kakamot miagal dilo kikiro 17 minit tikid tadau. Di tulan Kotolu 2017, Komontirian Balajaran pinopoilo pitimbungakan Dewan Rakyat do pomogunaan kakamot elektronik di poompus nopo nga mantad intonodon tagayo kumaa karaagon mato id nayatan susumikul.

“Tumanud komontirian dilo, di 2017, 6.3 pihatus susumikul Toun 1 nokotoguang do kinaraagon mato naamot susumikul Toun 6 nopo nga 4.1 pihatus, om Tingkatan 3 2.7 pihatus,” ka disio id kointalangn do hiti konihab.

Suminuku i Lee do kointalangan di pensyarah Fakulti Sains Kolidasan Univositi Tiknologi Mara (UiTM) Wan Elhami Wan Omar do tanak-anak kiumur duo gisom limo toun amu kopio pasagaon do kabanta kumaa kakamot elektronik.

“Kiguno yolo do pabantaon di ababayan labus om kaanu orungod babang tadau nogi momuriman do kinolumison sandad posorili. Nung kobolingkahangan kotogian gajet amu sikapon manalasai, tumongob oku do okon nopo ko kopomiraag ilo do mato susumikul nga nogi koowit kumaa kobolingkahangan sosiol di suai miagal do pornografi om ‘buli siber’,” ka disio.

Minongomi i Lee kointalangan di Kumuduo Luguan Montiri Datuk Seri Dr Wan Azizah Wan Ismail, po nogi Ponorikohon MCPF di kaawagu diti, i pinopolombus kotongoban kohondot kotogian gajet i nayatan mogigiyon, miampai tanak-anak id umur duo gisom tolu toun nokotimpuun no do mamain gajet toi kakamot digital.

Kinotu isio sabaagi minoboros kobolingkahangan ‘dadah digital’ aantakan soira sosongulun dilo magawi timpu lobi mantad apat jam momoguno Internet montok toisoiso ahal i aiso pisowitan di pakarajaan toi pambalajaran.

Sumuku di “Ponorisidan Momoguno Internet 2018” i pinalabus do Suruhanjaya Piromutan om Multimedia Malaysia nopo, minoboros isio do noilaan pulampai timpu momoguno internet id Malaysia nopo nga 6.6 jam sangadau, miampai 93.1 pihatus momoguno momoromut internet maya telipaun pintar.

Kumoduo luguan montiri minoboros pomogunaan internet di adalaan kopogowit di momoguno dau kosili otogian gisom kopongumpadan kolidasan tinan om tutok.-Bernama

   
Email Print
   
 
 
E-browse