Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Zairudi, James dilantik penolong pengurus PSC |  PESAN |  Gonsurai |  Sogilit RM1.6 lizong nagamu do JKDM id suang kalaja Ops Supply |  Kelab Belia Keningau dengan k-sama tiga NGO sampaikan bantuan 50 keluarga |  Arthur lawat, beri sumbangan kepada Pusat Kuarantin di Pensiangan |  Dugaan enam sekeluarga sambut Syawal |  Kastam Sabah rampas rokok seludup bernilai RM1.6 juta sejak 24 April |  SOPs Strictly Observed at Pasar Sentral Labuan |  Sabah tourism industry decline starting in Feb |  Contraband cigs worth RM1.65m seized in Tawau |  28 per cent discount of electricity bills only for monthly usage of RM500 and below |  Hajah Mariam Omar Matusin is new deputy state secretary |  Visiting graves among activities prohibited during Aidilfitri celebration in Sabah |  AirAsia’s BIG Loyalty Points Catcher is back with 7.7 million BIG Points | 
 Kadazan Dusun

Tadau Pahlawan 2019 nakaanjur miampai osindak kinaramaion

20th September, 2019

KOTA KINABALU: Kinapamaramaian Tadau Pahlawan 2019 do hiti norikot kinaramaion miampai kinotonudan 34 kontijen kapaampai do tinimungan kiunifom, koupisan om kotinanan koporintaan nogi sikul id pinghuudan i binuruan di Upisor Susumangod Tindal, Mejar Zafrullah Zaharuddin.

Ababayan dilo notindapou nogi di Molohingon Pogun (TYT) Tun Juhar Mahiruddin om sinawaan Toh Puan Norlidah R.M Jasni om i Boyoon Montiri Datuk Seri Mohd Shafie Apdal om sinawaan Datin Seri Shuryani Shuaib.

Wookon di pinoindalan kaampai no kinapatahakan toluod kumaa Upisor Komando 11 Rejimen Gerak Khas i tiagak Mejar Mohd Zahir i nokorundun doid kinaantakan id Kem Lok Kawi di ko 4tw Kosiam katatalib.

Toluod Yayasan Nur Jauhar dilo pinotunui di Toh Puan Norlidah i po nogi monontuduk do yayasan dilo kumaa tina di tiagak i Rusunjan Mohamed.

I tiagak nokorundun notimbak di maso pinopowonsoi do gimik kopoimpuunan Divisyen Kolimo Infatri Malaysia om Briged ko-13 Infantri Malaysia.

Karamaian dilo i nokotimpuun di jam ko 8 kosuabon, tinimpuunan do ababayan ‘tabik hormat’ Tinimungan Kawalan Kehormat Utama (KKU) mantad Batalion Ko-7 Rejimen Askar Melayu Diraja (RAMD), Kem Kabota miampai 103 puru binuruan di Mejar Nik Mohd Azrul Fauzi pogulu pinorisa di Tun Juhar.

Potilombus dino sinusuhut ilo di ‘Tiupan Paluan Akhir’ toi ‘The Last Post’ di Pancaragam Pulis Diraja Malaysia (PDRM) binuruan di Potunud Muzik ASP Ravinthiran A/L Aarunasalam om kinaparangahan sisindiron kitulu do ‘Pahlawan’ di puru Susumangod Tindal i Koperal Kartini Alwi.

Nokotindapou nogi i Kumoduo Boyoon Montiri po nogi Montiri Koporintaan Nokoiyonon om Pomuwalaian Datuk Jaujan Sambakong, Mayor Kakadayan Tagayo Kota Kinabalu po nogi Ponorikohon Manganganjur karamaian Tadau Pahlawan Nayatan Pogun Sabah 2019 i Datuk Nordin Sima, Panglima Markas Divisyen ko-5 Infantri Kem Lok Kawi i Mejar Jeneral Datuk Mohammad Khir Abdullah om Monguasa Pulis Sabah i Datuk Omar Mammah.-Penerangan

   
Email Print