Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Vizione's unit shortlisted to develop Papar Dam in Sabah |  Blockbuster FA Cup final in store |  Sabah football all out to reach new heights |  Malaysia Autoshow Sabah Oct 19-20 to showcase latest vehicles |  UMS, UNICEF to introduce Communication for Development Sabah programme |  1.4 lizong aiso MyKad sundung tu kiumul hobi 12 toun |  Kusai Pakistan tinaan tu au tuminanud kootulan Imigresen |  Mongindapu koonduan suuon sumimban kumaa pongindopuan digital |  Human-elephant conflict in Sabah: Local community plays crucial role in conservation |  SPSB supports Petronas LNG Ltd in third STS operation |  Value of Tabung Haji's domestic equity rises by RM1.12 bln as of Sept |  AIA launches A-Plus MedCare rider |  M'rakat Murut digalakkan terus terap bahasa ibunda |  Raymond Ahuar buat laporan polis |  Program kempen simpanan khas pupuk amalan menabung di kalangan pelajar | 
 Kadazan Dusun

Pingludaan kadaaton id watas Poonsokid kiguno lobi kasaru

20th September, 2019

Di RIZALMI LIMAN

KENINGAU; Pingludaan Kadaaton kiguno pohoroon do lobi kasaru mooi do karaja koponomposian di otopot aanu popoindalan do lobi koulud miampai di tongo koupisan koporintaan om Kotinanan Okon Koporintaan (NGO) poinggompit.

I Tabaal Pongubatan Arau-arau Walai Pongubatan Keningau Dr Dzulhelmy Sulaiman minoboros sokukuri do pohoroon ilo insan sontoun, sabab tohuri nopo nokoindalan pingludaan dilo id walai pongubatan diti nga di toun 2013.

Minoboros isio dilo i po nogi ponorikohon manganganjur soira rinubaan media id Latihan Bencana (Pingludaan Kadaaton) pinoindalan id Jambatan Jalan Bunsit Bandukan, Bingkor do hiti di songkonihab.

Naamot i Luguan Zon Koupisan Bomba om Manampasi Malaysia (JBPM) Keningau Yuszaimi Hairrul Azwan Juatan minoboros do pingludaan kapaampai mogisusuai bohogian dilo kouhup mongingkawas pisokodungan om pogiuludan sompipi tiso om tiso.

“Iti nopo nga’ kopongingkawas kopulokison, pogirotian om piromutan potitikid koupisan koporintaan om NGO di nakaampai soira aantakan ahal otopot id watas Poonsokid kosuul no id watas diti mooi do karaja koponomposian lobi kiwaya,” ka disio.

Pinopoilo isio do koiyoon poonsokid diti pasanganu kopikikiraan kaantakan kadaaton miagal do liyud monigoo, tana otuhan, kotutudan om nogi koligaganan.

Id pingludaan dilo, kopokito kaka do songinan bas sikul om songinan korita nokogompit id kinoligaganan, hinombo do 40 nogompitan id kinoligaganan dilo om tolu nokorundun nanamot i suai awagat kinosinduolan.

Nakaampai nopo id pingludaan dilo nga Walai Pongubatan Keningau, JBPM Zon Keningau, Pulis Diraja Malaysia (PDRM) Keningau, Koupisan Sukarelawan Malaysia (RELA) Keningau, Koupisan Koumoligan Ginumuan Malaysia (JPAM) Keningau om Koisaan Tulan Sumilau Aragang Malaysia (PBSM) Keningau.

   
Email Print
   
 
 
E-browse