Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Zairudi, James dilantik penolong pengurus PSC |  PESAN |  Gonsurai |  Sogilit RM1.6 lizong nagamu do JKDM id suang kalaja Ops Supply |  Kelab Belia Keningau dengan k-sama tiga NGO sampaikan bantuan 50 keluarga |  Arthur lawat, beri sumbangan kepada Pusat Kuarantin di Pensiangan |  Dugaan enam sekeluarga sambut Syawal |  Kastam Sabah rampas rokok seludup bernilai RM1.6 juta sejak 24 April |  SOPs Strictly Observed at Pasar Sentral Labuan |  Sabah tourism industry decline starting in Feb |  Contraband cigs worth RM1.65m seized in Tawau |  28 per cent discount of electricity bills only for monthly usage of RM500 and below |  Hajah Mariam Omar Matusin is new deputy state secretary |  Visiting graves among activities prohibited during Aidilfitri celebration in Sabah |  AirAsia’s BIG Loyalty Points Catcher is back with 7.7 million BIG Points | 
 Kadazan Dusun

PPM minanalob kipogowitan tontolu ponsu, tumau petrol

19th September, 2019

SANDAKAN: Tinimungan Pulis Marin (PPM) minanalob pinsingumbalan monoludup 4,000 tontolu ponsu id watas baang Batu 7 do hiti di songkonihab.

Komander PPM Watas 4 Sabah ACP Mohamad Pajeri Ali minoboros id kinaantakan jam ko 6.20 sodopon dilo, tontolu ponsu pikikiro kigatang RM7,200 dilo nokito id suang songinan bot osiau id watas baang dilo.

“Asil pinomorisaan id watas dilo nakalantoi minanalob pinongumbalan monoludup sumuang tontolu ponsu montok padagangon kumaa tulun ginumuan soira songinan bot kiwotik otomou om obulou miampai ginaras duo injin 40 kuasa kuda miampai numbur rojistor Malaysia ruminingang om nakasapai id koiyonon di oribau id watas dilo,” ka disio id kointalangan do hiti, konihab.

Poingkuro po ka di Mohamad Pajeri juragan bot i kotumbayaan do sanganu tontolu ponsu dilo, nokopogidu soira nokopuriman kinorikotan bohogian kikuasa.

Minoboros isio do PPM Sandakan nga minanahan nogi do songinan kawagu bot oringang id koiyonon miagal miampai turu jerikin kisuang 175 liter tumau petrol kotumbayaan montok owiton lumabus mantad Sandakan momoguno bot fiber kiwotik opurak miampai ginaras injin 15 kuasa kuda, nga i notondosan nokopogidu.

Id operasi dilo, PPM minagahou duo tinan bot osiau mitonggoi injin, tontolu ponsu om tumau petrol miampai gatang naahou kiginumu do RM42,564.

Minoboros i Mohamad Pajeri koinsanai naahou dilo nowit doid Markas Operasi PPM Sandakan montok laang potilombus, om tontolu ponsu nga pinatahak kumaa Koupisan Mamamasi Alalang Sandakan.

Ka disio kes kapanansalaan petrol dilo maan patahako kumaa Komontirian Pidagangan Suang Pogun om Ahal Momoguno montok ponoriukan id sahau Akta Kapanamangan Pangaba 1961.-Bernama

   
Email Print