Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Prisons footballers out to defend title |  Positive pre-season tour |  Trip down memory lane with Holy Trinity’s Class of 1960 |  Farewell Angelina wows Sabahans |  392 PPS pinotindooi id sikul pototongkop Sabah |  Kada patazado video nakahaid toi ko habus pogun |  Program Jom Ke Sekolah beri kesedaran kepada semua pihak |  392 police liaison officers assigned to schools in Sabah |  MMEA detains four Chinese vessels for anchoring without permission |  Mary Kay joins 2020 Generational Dermatology Palm Springs Symposium |  A woman to head Agrobank? |  Penduduk Mukim Lagud Seberang bakal terima bekalan air bersih |  Minggu Akademik SMK Takis 2020 berjaya dan meriah |  MAQIS Labuan rampas 18,708kg konsainan hasilan tanah 'Media Abrasive' bernilai lebih RM300,000 |  Badan keagamaan disaran celik digital tangani gejala negatif | 
 Kadazan Dusun

400,000 tuhun ikoton AIM id pototongkop pogun

10th September, 2019

DI ROZZALIN HASHIM

SANDAKAN: Amanah Ikhtiar Malaysia (AIM) pinopoinsi ikoton 400,000 tuhun aanu poposuang sabaagi monongkibai AIM id pototongkop pogun ontok toun diti montok momoguno tavavasi sakadai di kivaa no haid i tuutulus koponuhung monoodo vohit pongindopuan dioho.

Potunud Boogizan Kalaja Borneo AIM, Haji Che Mahdi Idris pinopoiho boogizan AIM mositi kadampot ikoton dino tu sakadai di kivaa kouha kozo montok monongkibai di ogumu kozo.

Ka disido, nung ikoton au kadampot kilati sakadai kohobi tokuudi sundung tu ontok timpu diti kivaa kuang hobi 342,000 monongkibai AIM id pototongkop pogun.

Ka disido, id Sabah vagu kuang hobi 98,000 no monongkibai AIM om boogizan disido nga pinopoinsi 142,000 monongkibai mooi onu nopo abaabazan di AIM aanu momoguno tavavasi montok monuhung popointutun produk om kapadagangan Sahabat AIM.

Suvai ko monuhung monoodo vohit pongindopuan piahatan mongindapu, nga nogi Kopoinsavatan toihaan sahabat kokomoi sakadai ngaavi di pinotounda boogizan polinta i tuutulus dino monuhung popoinsavat kopointutunan AIM mazaa abaabazan dino, ka disido.

“AIM tinuidong kuang hobi 30 toun di nakatahib om iso mantad tuduvan miampai hizab dino nopo nga monuhung paganakan mosikin humabus mantad komosikinan.

“Id AIM, popotounda tokou kapanakadazan mikro i tinaak kumaa dioho i tootopot kipotutan montok papanau onu nopo boogizan pongindopuan miampai angkab produk ngaavi i pinahabus dioho sokuukuang no kozo kaanu momouang tangangazan paganakan.

“Monuu zou mooi kaanu mogiigizon id Sabah Sarawak hoohobi no dino om Malaysia kaanu mumpazat AIM tu agensi diti kapanaak kosivatan montok monongkibai popobuu om papagazo vagu boogizan pongindopuan i lahan toniini.

“Lahan dino ounan, mogiigizon kavasa mikot id upis AIM id noonombo nopo montok koonuan pagahasan touhan pambalazan mahik di pinotounda om kaanu nodii izioho momoguno tavavasi onu nopo boogizan pongindopuan di nouhud… paganu kosivatan diti om pointounda tokou monuhung,” ka disido.

Minoboos isido dino ontok nasamanan magaganu abal kahapas pinopiomagon Fiesta Sahabat AIM 2019 Laan Beluran om Kinabatangan id natadon Agro Bazar, Batu 32, somok doiti, di kavavagu.

Nokotindapou nogi Potunud Wilayah AIM Sabah Kohisaon, Zakaria Mamat.

   
Email Print