Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Two men in pump boat caught in another blast fishing case |  Double whammy for gatherer |  Safa gets cracking |  Sazarice Group to hold two-day “Have a Rice Day” carnival Sept 21-22 |  Tadau Pahlawan 2019 nakaanjur miampai osindak kinaramaion |  Pingludaan kadaaton id watas Poonsokid kiguno lobi kasaru |  Nilai kemanusiaan dalam era IR4.0 perlu diperkasakan |  New four-storey RM3 million SJK (C) Kin Kiau Kinarut building launched |  Isuzu Malaysia unveils first EEV pick up truck |  Azhar: Get creative, innovative and leap into franchising |  Meruntum Beach clean-up: Local community takes own initiative |  Sebanyak 290 kes hilang kerja di Sandakan |  13 sertai Ekspedisi Headhunter Trails Challengge |  JPN serah 54 gantian dokumen pengenalan diri kepada mangsa kebakaran |  Latihan bencana perlu diadakan lebih kerap, kata Dr Dzulhelmy | 
 Kadazan Dusun

Huguan Hakim pogun minonoguhu nuzudan monoimo Darjah Kebesaran Persekutuan

10th September, 2019

KUALA LUMPUR: Huguan Hakim Pogun Datuk Seri Utama Tengku Maimun Tuan Mat di koniab minomohuguan nuzudan 42 monoimo Darjah Kebesaran Persekutuan 2019 mantad Yang di-Pertuan Agong Al-Sultan Abdullah Ri’ayatuddin Al-Mustafa Billah Shah kopiondot Tadau Kinouhitan poimbida Seri Paduka.

Id lamai kapanaakan gaa tadau koiso di koniab. Tengku Maimun, 60, i nopihi mongingit kalaja dino di ko 2 Vuhan Kohimo nakatahib minonoimo Darjah Panglima Mangku Negara (PMN) i koovit ngaan ‘Tan Sri’.

Raja Permaisuri Agong Tunku Hajah Azizah Aminah Maimunah Iskandariah nga pinougadan kumaa Lamai Tumoguvang om Kapanaakan Darjah Kebesaran, Bintang om Gaa Persekutuan dino i naazu id Balairung Seri Istana Pogun, id doiti.

Tengku Maimun i nogi tanak potinagas Kota Bharu, Kelantan nokoponoodo susuzan songian nadadi tondu koiso minongingit kalaja takavas tinan kehakiman pogun.

Minonomo nogi Darjah PMN nopo nga Huguan Monunuat Pogun (KSN) Datuk Seri Dr ismail Bakar om Panglima Tinimungan Susumangod Jen Tan Sri Zulkifli Zainal Abidin.

Ismail, 58, nopihi sabaagi KSN ontok di ko 29 Vuhan Kavahu nakatahib, Kikapaasan Sarjana Muda Ekonomi (Kepujian) mantad Univositi Malaya, Sarjana Pentadbiran Perniagaan om Doktor Falsafah mantad Univositi Of Hull, United Kingdom dino nakakalaja 32 toun id suang kotoinaan polinta miampai kitoihaan tagazo id suang boogizan poguhudan ekonomi om kousinan.

Zulkifli, 60, vagu nopihi sabaagi Panglima Tinimungan Susumangod Malaysia (ATM) ontok di ko 20 Vuhan Koonom 2018 om minongingit kalaja Panglima Susumangod Tinda ontok 2011.

Ontok toun diti. Yang di-Pertuan Agong minanaak gaa Darjah Kebesaran, Binta om Gaa Persekutuan kuminaa 795 tuhun mantad mogisusuvai kategori.

Suvai ko tohu tokoh dino, lamai kapanaakan tadau koiso di koniab nga pinopokito 15 tuhun suvai minonoimo Darjah Panglima Setia Mahkota (PSM) i koovit ngaan Tan Sri ino nopo nga Yang Dipertua Dewan Rakyat Datuk Mohamad Ariff Md Yusof, Hakim Tagazo Sabah om Sarawak Datuk Seri David Wong Dak Wah, Luyal Pogun Tommy Thomas, Huguan Pulis Pogun Datuk Seri Abdul Hamid Bador om bagas Huguan Potunud Kotoinaan Polinta Datuk Seri Borhan Dolah.

Minonoimo nogi, Huguan Monunuat Komontilian Suang Pogun Datuk Seri Alwi Ibrahim, Huguan Monunuat Perbendaharaan Komontilian Kousinan Datuk Ahmad Badri Mohd Zahir, Huguan Monunuat Tohosok kumaa Huguan Montili id Upis Huguan Montili Datuk Badariah Arshad, Panglima Susumangod Tinda Jen Datuk Seri Ahmad Hasbullah Mohd Nawawi, Panglima Susumangod Daat Laksamana Datuk Mohd Reza Mohd Sany.

Monoimo Darjah PSM di suvai nopo nga bagas hakim Kuut Persekutuan Datuk Seri Balia Yusof Wahi, Ponikoon Eksekutif Kumpulan MFDM Holdings Sdn Bhd Datuk Seri Mahamad Fathil Mahmood, Polosiden Persekutuan Pangilang-Pengilang Malaysia (FMM) Datuk Soh Thian Lai, Polosiden om hogi Huguan Upisol Eksekutif Univositi Tunku Abdul Rahman (UTAR) Prof Datuk Dr Chuah Hean Teik miampai Upisol Pogun Qatar Dr Ali Fetais Al-Marri.

Yang di-Pertuan Agong nga minanaak gaa Darjah Panglima Jasa Negara (PJN) i koovit ngaan ‘Datuk’ kumaa 21 monoimo ino nopo nga Huguan Potunud Unit Koponoinaan Kapanadaan (ICU) Koupisan Huguan Montili Nor Azri Zulfakar, Huguan Potunud Balajalan Takavas Datin Paduka Dr Siti Hamisah Tapsir, Luyal Cara Negara II Datuk Siti Zainab Omar, Ponikoon Suruhanjaya Pomihian (SPR) Azhar Azizan Harun, Hakim Kuut Takavas Kuching Supang Lian om Hakim Kuut Takavas Johor Bahru See Mee Chun miampai Huguan Potunud Institut Koponoizukan Pias Malaysia (FRIM) Datuk Dr Abd Latif Mohmod.

Minonoimo nogi Darjah PJN, Mufti Wilayah Persekutuan Datuk Seri Dr Zulkifli Mohamad, Monunuat SPR Datuk Mohamed Elias Abu Bakar, Naib Canselor Univositi Tun Hussein Onn Malaysia (UTHM) Prof Dr Wahid Razally, Huguan Eksekutif Kotinanan Kotundaan Pomounan Kapanadaan Malaysia (CIDB) Datuk Ahmad Asri Abdul Hamid, Kumoduvo Huguan Monunuat Tohosok kumaa Huguan Montili id Upis Huguan Montili Datuk Akbar Samon.

Suvai mantad dino, Huguan Staf Markas Tinimungan Susumangod Leftenan jen Datuk Kamalruzaman Mohd Othman , Huguan Potunud Ponohinuan Koumohigan Markas Susumangod Tinda Leftenan Jen Datuk Sheikh Mokhsin Sheikh Hassan, Kumoduvo Panglima Susumangod Daat Laksamanan Madya Datuk Khairul Anuar Yahya, Potunud Koupisan Koumohigan Suang Pogun om Kotoonongon Ginumuan Datuk Seri Acryl Sani Abdullah Sani, Potunud Koupisan Poguhudan Kahasaan Tavagat om Koumohigan Komuniti Dadtuk Seri Rosli Ab Rahmah, bagas Tabaa Monongkiboos Takavas Periodontik Koupisan Kohidsan Wilayah Persekutuan Kuala Lumpur om Putrajaya Dr Ahmad Sharifuddin Mohd Asri, Polosiden Koisaan Mimbuul Malaysia (FAM) Datuk Hamidi Mohd Amin, Popobuu om Huguan Upisol Eksekutif DXN Holdings Berhad Datuk Dr Lim Siow Jin miampai Polosiden Koisaan Sina Muslim Malaysia (Macma) Prof Dr Taufiq Yap Yun Hin.

Id lamai kapanaakan gaa di koniab Al-Sultan Abdullah nga minanaak gaa Darjah Panglima Setia Diraja (PSD) i koovit ngaan ‘Datuk’ kumaa Datuk Paduka Maharaja Lela Istana Pogun Azuan Effendy Zairakithnaini, Duta Tagazo Malaysia kumaa Republik Korea Datuk Mohd Asrhi Muda om Huguan Upisol Istiadat Polinta Boogizan Istiadat om Urusetia Pitimbungakan Sompomogunan Rozainor Ramli. Bernama

   
Email Print
   
 
 
E-browse