Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Koponguludan puru Kounsol Pinotomod MA63 mamaso pohimogonon |  PCS tuamanding id koinsanai 73 DUN ontok PRN |  Pakej PRIHATIN mongumolig om monginggaan koinggoritan rayat |  MHholidays launches ‘Kids Fly + Stay Free’ campaign |  Ringankan beban rakyat melalui PRIHATIN |  COVID-19: Sembilan pengendali perniagaan di Labuan diberikan notis amaran |  SMK Umas-Umas sekolah pertama laksana kempen bebas beg plastik |  Yayasan CNI turut sumbang pelitup muka cegah COVID-19 |  PRN Sabah: PCS tanding semua kerusi DUN |  Anifah: Parti Cinta Sabah akan bergerak sendiri hadapi PRN |  Sabah Ex-State Footballers Association AGM on Aug 30 |  Sabah Sukma tennis players resume training |  Former Red Giants raise money for Mohd Shah Alias |  Another stage of scrutiny for women’s squad coach |  Foreigner charged with trafficking 69kg of syabu claims trial | 
 Kadazan Dusun

Kusai natagak kahapas padau notoob nokito do nohonod

5th September, 2019

KOTA KINABALU: Songuhun kusai i nosogu natagak kahapas suminakai do padau miampai mohoing kusai disido montok humabus monginsada id Daat Batu Gadung, Tamau, Kota Belud songkoniab, nokito do nohonod di totuvong koniab.

Kumoduvo Potunud Kalaja, Agensi Monguasa Maritim Malaysia (APMM) Sbah, Kapten Maritim Asmawati Mohd Tujeri minoboos Mohd Shahril Bashir, 28, nokito do mogiigizon kampung di monuhung monoodo kopogiuman id mintingisan Daat Namamun, Rampaian Laut, kuang hobi vahu kilometer mantad tampat di munggui nosogu natagak.

“Hongkod koponoinaan Mogium om Manampasi APMM nokotoimo ohou di kuang hobi jam ko 7.50 totuvong pinopoiho do munggui nokito do mogiigizon kampung. Munggui noovit kuminaa Hamin Pongusapan Kota Belud montok pongintutunan om haang sumusuut,

“Kalaja mogium om manampasi (SAR) nopupusan di jam ko 8.30 totuvong koniab,” ka disido id suang kointahangan, id doiti.

Id suang kinantakan di jam ko 6 minsusuvab songkoniab, abaabazan duvo minanak i huminabus minooi ponginsada dino nokoohon kinantakan songian Mohd Shahril nosogu natagak kikatangaban nohonod montok mohoing kusai disido natampasi kahapas padau di sinakazan dioho nabadas hakun tagazo id sinodu 100 meter mantad Daat Batu Gadung.

APMM Sabah pinopotimpuun kalaja SAR di jam ko 8.30 minsusuvab kahapas nokotoimo kopoihaan kokomoi kinantakan dino di kuang hobi jam ko 8.05 minsusuvab i vookon dino tinuhung do Koupisan Bomba om Manampasi Malaysia miampai Tinimungan Koumohigan Ginumuan Malaysia. Bernama

   
Email Print