Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Three men held in house-breaking probe |  Sixty pct of PH manifesto promises fulfilled, says Lim |  Syarikat Pulau Buta Eco Tourism terima Pengiktirafan MaTEx |  KK boys on course to retain hockey gold |  Sports Development Blueprint next year |  TAED, a threat to Sabah’s iconic beach: Landscape architect |  Songulun kawagu nogompitan kinoligaganan id New Zealand noiduan ginawo di konihab |  Tolu kusai ginambit montok kasalaan minonoruang walai |  JBorneo 2019 mission accomplished |  Ziarah Ukhuwah RAY Tambunan ke Brunei Darussalam |  Bersatu cawangan Bangka Bangka jalin kerjasama dalam program Back To School |  200 pelajar dalam DUN Karanaan terima bantuan awal persekolahan |  Pejabat MOTAC dan Muzium Marin Labuan bakal ditutup? |  Bayi tiga bulan dari Tuaran dijangkiti virus polio |  Tiga pelancong China antara terlibat Program Voluntourism Underwater Cleanup di Pulau Bum-Bum | 
 Kadazan Dusun

Madius kosokodung poinponu ponimbanan Enakmen Kasalaan Kopomusalaan Syariah 1995

14th August, 2019

TUARAN: Presiden Kotinanan Pasokmomogun Kadazandusun Murut Bersatu (UPKO) Datuk Seri Wilfred Madius Tangau monokodung poinponu ponimbanan Enakmen Kasalaan Kopomusalaan Syariah 1995 i kogirot kuasa do ko 9tw Kosiam diti.

Isio i po nogi Kumoduo Boyoon Montiri Sabah minoboros sundung okon ko’ kiugama Islam toririmo disio monokodung om mamantang ponimbanan dilo i tantu no do kapanahak koundaran kumaa toinsanan kikotumbayaan Islam id Sabah.

“Ponimbanan enakmen dilo kopokito do poposuul o kopio koporintaan do ahal ugama… sabab koporintaan mimang di sukod wagu toi sakag babaino diti do karamit tiolaan kokomoi ugama miampai pointopot,” ka disio.

Minoboros isio id ababayan Tadau Tagayo Aidiladha Nayatan Gayang, doros hiti di songkonihab i notindapou di kiikiro 1,500 mogiigiyon nokoiyonon.

Enakmen Kasalaan Kopomusalaan Syariah (Ponimbanan) 2019 dilo papaharo do kopomorotian (takrif) ugama Islam om Puru Sunnah Waljamaah suai ko poposili papasut sabaagi penalti montok koponudukan kotumbayaan (doktrin) om kopoindalanan ababayan toi koulalaho kopihondot ugama Islam i pasansala do hukum syarak nogi fatwa pinogirotkuasa id pogun diti.

Ponimbanan enakmen dilo nga montok nogi do papaharo katatapan wagu kokomoi pogoduhan kopoinggayaan doktrin ugama suai mantad doktrin ugama Islam.

I Madius po nogi Puru Parlimen Tuaran minoboros do tumilombus tumopot monguhup rayat id watas dilo do amu momuntuk tinaru om ugama.

“Tumilombus oku manahak ponguhupan kumaa kelas ngaawi kafa i haro id watas diti… sundung okon ko’ miagal ugama mamantang oku Islam sabaagi ugama pinotomod pogun,” ka disio.

Naamot dilo, pinokianu di Madius o mogiigiyon orukut tinaru om ugama id Sabah, kosuul no id Tuaran do toririmo sopipantang.-Bernama

   
Email Print
   
 
 
E-browse