Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Three men held in house-breaking probe |  Sixty pct of PH manifesto promises fulfilled, says Lim |  Syarikat Pulau Buta Eco Tourism terima Pengiktirafan MaTEx |  KK boys on course to retain hockey gold |  Sports Development Blueprint next year |  TAED, a threat to Sabah’s iconic beach: Landscape architect |  Songulun kawagu nogompitan kinoligaganan id New Zealand noiduan ginawo di konihab |  Tolu kusai ginambit montok kasalaan minonoruang walai |  JBorneo 2019 mission accomplished |  Ziarah Ukhuwah RAY Tambunan ke Brunei Darussalam |  Bersatu cawangan Bangka Bangka jalin kerjasama dalam program Back To School |  200 pelajar dalam DUN Karanaan terima bantuan awal persekolahan |  Pejabat MOTAC dan Muzium Marin Labuan bakal ditutup? |  Bayi tiga bulan dari Tuaran dijangkiti virus polio |  Tiga pelancong China antara terlibat Program Voluntourism Underwater Cleanup di Pulau Bum-Bum | 
 Kadazan Dusun

Vahu tuhun nataan kaampai no apat mohoing

14th August, 2019

KOTA KINABALU: Pulis Sabah nakapanaan vahu tuhun kaampai no apat mohoing id suang pinonugkuan i pinapanau id uvang Ranau kikotumbazaan nokogompit id suang kapanadaan miampai pomohizan sandata tapui tinoodo sondii ontok di ko 6 om 7 Vuhan Kavahu nakatahib.

Kumoduvo Pesuruhjaya Pulis Sabah Datuk Zaini Jass minoboos minonoodo o pulis pinonugkuan kuminaa iso hamin duvo milouting ontok di ko 6 Vuhan Kavahu jam ko 2.30 minsusuvab id Kampung Kinaratuan, Ranau om nakapanaan duvo kusai id suang hamin dino.

Minoboos isido id suang pinonugkuan dino nogi nokoovit kumaa kinasamanan stor pomopian balang monoodo sandata tapui id douvi hamin dino om iso husap poimbihiu kuang hobi 150 meter mantad hamin dino.

“Id husap dino, nakapanaan nogi o pulis songuhun kusai miampai nakapagau mogisusuvai balang sandata tapui i pinoopi id husap dino,” ka disido id pitimbungakan media id Hongkod Upis Pulis Kontinjen Sabah Kepayan id doiti di koniab.

Minoboos i Zaini songuhun mantad di natandasan sino kikotumbazaan papanau abaabazan monoodo, papadagang sandata tapui tinoodo sondii mantad po 25 toun nakatahib miampai momiit nopoo mantad sinapang om pistul noomitanan i padagangon piahatan RM800 gisom RM2,800.

Ka disido ontok tadau dimiaga, minonoodo nogi o pulis pinonugkuan id Kampung Debut, Bundu Tuhan om Kapatahan om nakapanaan tohu kusai.

Naamot dino ontok tadau sumusuut dino, songuhun kusai tinaan id husap mintamong kem Lok Kawi om songuhun id Kampun Lohan, Ranau.

Minoboos i Zaini, saviavi kusai tuhun kinoizonon i tinaan dino kiumul piahatan 29 gisom 83 toun, sundung i do ingkaa tuhun mohoing dino pinoidu miampai jamin pulis.

Minoboos isido id suang kalaja kihinaid do duvo tadau dino nakahantoi o pulis minagaau mogisusuvai kavo sandata tapui tinoodo sonidi vookon dino kaampai no vahu sinapang bakakuk, sizan sinapang tongus, iso sandata guli tinoodo sondii, iso pistul tinoodo sondii, iso revolver om mogisusuvai kavo pinulu vookon dino kavo 5.56mm.

“Saviavi sandata pinaatod kumaa Koupisan Kimia montok papatantu katapatan (sandata) dino,” ka disido.

Kiis soizukon tumanud Seksyen 7 Akta Sandata Tapui (penalty hobi vinagat) 1971 ino nopo nga penalty tu papadagang sandata tapui. Nung kogompit kahasaan, kavasa ukumon patazon toi ko tolungku soumul-umul om papasut au okuang mantad onom. Bernama

   
Email Print
   
 
 
E-browse