Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Three men held in house-breaking probe |  Sixty pct of PH manifesto promises fulfilled, says Lim |  Syarikat Pulau Buta Eco Tourism terima Pengiktirafan MaTEx |  KK boys on course to retain hockey gold |  Sports Development Blueprint next year |  TAED, a threat to Sabah’s iconic beach: Landscape architect |  Songulun kawagu nogompitan kinoligaganan id New Zealand noiduan ginawo di konihab |  Tolu kusai ginambit montok kasalaan minonoruang walai |  JBorneo 2019 mission accomplished |  Ziarah Ukhuwah RAY Tambunan ke Brunei Darussalam |  Bersatu cawangan Bangka Bangka jalin kerjasama dalam program Back To School |  200 pelajar dalam DUN Karanaan terima bantuan awal persekolahan |  Pejabat MOTAC dan Muzium Marin Labuan bakal ditutup? |  Bayi tiga bulan dari Tuaran dijangkiti virus polio |  Tiga pelancong China antara terlibat Program Voluntourism Underwater Cleanup di Pulau Bum-Bum | 
 Kadazan Dusun

Dabra Sia magangat tambalut artis mamalan ababayan kotundunan

230719adabra
I DABRA ontok minomorisa sinawat raha di odu Veronica

23rd July, 2019

Di RAPHIEL PINUS

BONTUGAN SUGANDOI Pogun 2019, Dabra Sia Ying Ying i rinamai doid iso ababayan kopongunsikohan pinaanjur id Kampung Poriuk (‘D’ Poriuk) Sukang, Kelawat, Kota Belud kopihondot kinalantaion dau id pinialaan tagayo dilo amu pinapatalib kosiwatan pinapaharo kotombuluyan doid walai songulun tondu nolohing id kampung dilo.

Umur di odu Veronica Baih Bte Punggung, 106 toun i po nogi mogigiyon bobos otuo id Kampung Tobur, Kelawat do hiti pinoimagon di tanak kusai kaapat dau i Patrick Ginduk Sani i pinopoilo do nosusu i tina dau dilo di ko 13tw Kotolu 1913.

Tumanud di Patrick, tadau kinosusuon di tina dau dilo i babaino diti haro walu tanak, 39 monongodu, 78 tanak monongodu om walu tulun monongodu di tanak monongodu, poinsurat nogi id Buuk Nuludan Mongungundi montok Mukim Kelawatan sabaagi momimili bobos nolohing do hiti.

Ounsikou nokoruba di odu Veronica, ka di Dabra silihon dau o kinotombuluyan kotundunan dau dilo do impuunon dau gumompit id ababayan doun mogiigiyon posusuhut po nogi do gaa bontugan i naanu dau di wulan Kolimo katatalib.

“Ounsikou oku kopio kokito do koyuon di odu Veronica i nounsisikahan kopio ruminamit kinotombuluyan dahai gisom no do pinopololoyong ‘rundukon’.

“Kakal dau do oturobpus soira do monusui susui om tolingo dau nga osonong pokikinongou,” ka di Dabra i osuau om poingkusum nopo.

Pinopoilo nogi i Dabra do pinomorisaan raha di odu Veronica nokopokito do osonong o sinawat raha dau, iso ahal di osonong kopio.

Pinoilo do suai ko kobolingkahangan tulang (osteoporosis) i kohimpogong dau do mungkakat om mimpanau, i odu Veronica aiso nunu-nunu kobolingkahangan tawagat di suai.

Id kinotombuluyan dau dilo, pinapatahak nogi i Dabra do kambaa’ kumaa di odu Veronica wookon nopo nga’ kogoogonopan ropuhan.

Minongomi kotilombus, i Dabra i nokosiwat minonginduhai doun kosuabon miampai paganakan di odu Veronica pinopoilo do orohian kopio yau id ababayan kotundunan miagal dilo.

Sundung atangkangou di mogisusuai ahal i kohimpogong timpu dau, orohian i Dabra tumilombus popoindalan ababayan mogigiyon miagal dilo do timpu dumontol.

Potilombus dino minagangat i Dabra do tongo tambalut artis popowonsoi ababayan kotundunan miagal dilo i kapanahak om kopongimbulai kounsikohan id mogigiyon di otombului diolo.

“Kalansananku kaanu monongkiuhup di tambalut artis suai do papaanjur ababayan miagal diti id timpu dumontol,” ka di Dabra i osuau kopio.

Id koompokon pinirurumaan diolo, sopipoopori dio Dabra dii odu Veronica sopiolon-olon do pason. Nakaampai nogi id kinotombuluyan dilo i tanak tomulok di odu Veronica i Samuel Joseph i po nogi songulun artis nokoiyonon om nakaanu yolo’ di Dabra miniilang-ilang nawawayaan.

I Samuel i nointutunan maya sinding dau ‘Sumandak Kota Belud’ om ‘Kada No Soroho’ poinsuang id album ‘Sokiro Daa’ sinding tiniip miamapi di artis nointutunan Mary Intiang.

Pinopoilang do naangayan dau id kaganaan momolihis kumaa di Dabra, pinopoilo i Samuel do wagu nogi yau kopongo single id Saibah Studio Enterprise ki’uhu Koturu Romou Mato Ku, pinosolimbou di Mei Watson @ Kurajon.

Pinopoilo nogi i Samuel do sinding dau dilo suai ko orongou id rodiu, okito nogi id laman YouTube om lumansan di tongorohian do tumilombus monokodung dau.

   
Email Print
   
 
 
E-browse