Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Three men held in house-breaking probe |  Sixty pct of PH manifesto promises fulfilled, says Lim |  Syarikat Pulau Buta Eco Tourism terima Pengiktirafan MaTEx |  KK boys on course to retain hockey gold |  Sports Development Blueprint next year |  TAED, a threat to Sabah’s iconic beach: Landscape architect |  Songulun kawagu nogompitan kinoligaganan id New Zealand noiduan ginawo di konihab |  Tolu kusai ginambit montok kasalaan minonoruang walai |  JBorneo 2019 mission accomplished |  Ziarah Ukhuwah RAY Tambunan ke Brunei Darussalam |  Bersatu cawangan Bangka Bangka jalin kerjasama dalam program Back To School |  200 pelajar dalam DUN Karanaan terima bantuan awal persekolahan |  Pejabat MOTAC dan Muzium Marin Labuan bakal ditutup? |  Bayi tiga bulan dari Tuaran dijangkiti virus polio |  Tiga pelancong China antara terlibat Program Voluntourism Underwater Cleanup di Pulau Bum-Bum | 
 Kadazan Dusun

Sabah mangatag kategori lahan kotombuhuzan habus kakadazan tuidongon

230719ewon
Montili Kotundaan Habus Kakadazan Sabah Datuk Ewon Benedick (vanan) minoningkisuau miampai sombogizan monongkibai Mini Estet Sejahtera (MESEJ) ontok tuminombuhui pomutanaman (MESEJ) id Kampung Abai songkoniab.

23rd July, 2019

KINABATANGAN: Montili Kotundaan Habus Kakadazan Sabah Datuk Ewon Ebin Benedick mangatag mooi kategori ‘Jalan Pelancongan Luan Bandar’ tuidongon, montok monguhan kopotoundaan sakadai poimbida montok koponoinaan toi ko popinsavat ningkokoton talun-alun dino.

Iti saasabap no do ka disido kategori lahan dino kiguno tu kivaa ogumu lahan di popituubung hongkod kotombuhuzan di pobuuon komuniti habus kakadazan, au aanu monoina mantad no aiso do sakadai poimbida.

“Sohinaid diti nokoiho no tokou miampai kategori lahan ino noop nga lahan pomutanaman, lahan kounsol om lahan kampung, nga aiso kategori lahan kotombuhuzan habus kakadazan.

“Mantad dino mangatag tokou mooi iso kategori kavavagu i pungaanan dokou sabaagi Lahan Kotombuhuzan Habus Kakadazan tuidongon, mooi lahan ngaavi di kakal momoguno sakadai popoinsavat ningkokoton aanu papataak kumaa polinta pogun toi ko hongkod, id suang Abaabazan Malaysia ko-12 (RMK-12),” ka disido id suang kointahangan id doiti di koniab.

Minoboos i Ewon atag dino kopitanud miampai kotontuan kabinet pogun timpuunon toun diti montok monuidong Komiti Kotombuhuzan Habus Kakadazan i binuuan disido miampai Kumoduvo Vozoon Montili Sabah Datuk Christina Liew, montok mongintong om popolipat pongkimamaan popobuu boogizan kotombuhuzan habus kakadazan id lahan misokodung, kaampai no lahan pitubungan.

“Minomuuan zou mitingan montok miboos hobi poingonop kokomoi terma pongintangan om ikoton kopoguhu komiti diti.

“Vookon ikoton kopoguhu dino nopo nga monuidong polisi polinta pogun dino kotombuhuzan habus kakadazan, ahal abaabazan kotombuhuzan habus kakadazan id uvang pias, pulau om mintingisan daat miampai kogunaan popoinsavat ningkokoton talun-alun kumaa hongkod abaabazan kotombuhuzan komuniti,” ka disido.

Pinopoiho nogi i Ewon kotombuhuzan disido kumaa Koperasi Kotombuhuzan Mukim Batu Puteh Kinabatangan (KOPEL Bhd) id doiti di kavavagu diti, aanu do momiit id savati pisokodungan koperasi dino miampai Koupisan Pias Pogun, popobuu uvang posoihi kampung, dodizon ontodonon tangangazan mogiigizon mazaa abaabazan kotombuhuzan.

Tumanud disido, kivaa piipio uvang miaga do Nabawan om Keningau i mivohit miampai pias pinoopi kitangazan montok pobuuon, sabaagi hongkod kotombuhuzan habus kakadazan, nga pongkimamaan dino natahaban tu polisi di nakatantu.

“KOPEL Bhd kavasa dodizon tukuan tanda kahantazan kumaa tutumombuhui habus kakadazan kinontodonon komuniti id nombo nakahantoi izioho minaganu RM2.4 lizong ontok toun nakatahib miampai koikatan hobi 7,000 tutumombuhui kumaa mukim dino.

“Suvai mantad dino, abaabazan kotombuhuzan id mukim dino nga popotounda mogisusuvai kavo pakalajaan kumaa 128 tuhun mogiigizon kampung posoihi,” ka disido. Bernama

   
Email Print
   
 
 
E-browse