Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Man gets 25 years’ jail, 15 lashes for raping daughter, 12 |  Safa using SAGA to hunt for hidden talents |  Crucial tie for Tambadau |  PHKS targets RM400,000 at annual fundraising Charity Bazaar |  Gear up for Malaysia Autoshow 2019 in Sabah |  KUD Zon Sabah kosiwatan kumaa mongungusaha labus kakadayan |  Kusai nopujulan kiniopon kikotumbazaan duminuso sondii |  Sada ginakom momoguno bom nagamu id Pasar Safma |  3,000 jobs up for grabs at 2nd Sabah Career Roadshow |  Wuyi University students,lecturers arrive in Sabah to attend UMS training course |  Gravity water system for Kg Bokilong residents |  Matrade eyes higher halal exports to Japan |  Oldtown White Coffee set to expand into petrol retail |  Kementerian Undang-undang dan Hal Ehwal Anak Negeri ditubuh penuhi janji kepada rakyat |  28 kapal layar antarabangsa berlabuh di Lahad Datu | 
 Kadazan Dusun

Koumohigan ahal di tavagat id Sabah, mositi intangan kozo

19th July, 2019

KOTA KINABALU: Koumohigan nopo nga ahal di noindamaan id Sabah om au kavasa intangan tagaan tu ahal ngaavi koumohigan kapanaan sangod tootopot okon nopo kumaa layat nga nogi pogun.

Vozoon Montili Sabah Datuk Seri Mohd Shafie Apdal minoboos ahal ngaavi koumohigan kaantob kotundaan ikonomi om kopopuvan hoohobi no kozo id tisan kohisaon Sabah.

Minoboos isido polinta pogun anangan montok mongintong kinavas kotoundaan id suang tinimungan koumohigan id suang mintamong koumohigan pitakasan pogun diti mantad kosuangan om koundanakan.

“Haang ngaavi diti nopo nga kiguno montok mongintong koumohigan ginumuan om pogun diti koinsodu mantad nuununu sangod miaga do kahasaan tavagat tumahib pivohitan, hoohobi no kozo manazang. Kiguno montok popoinsavat tangangazan dotokou montok monguhan kahasaan tavagat tumahib pivohitan ontok timpu mikot.

“Tokou nga mositi mongintong kumaa mogisusuvai pihi di kivaa id suang timpu teknologi digital diti miaga do teknologi panamangan montok mamaganti toi ko popoinsavat aset kosudong om sandata ontok tokou di nakahaid,” ka disido id Semianr kokomoi ahal ngaavi Koumohigan Posoihi om Kinoizonon id Sabah, id doiti di koniab.

Pason kopoguhu disido pinohombus di Monunuat Polinta Pogun Sabah Datuk hashim Paijan.

Minoboos i Mohd Shafie Polinta Hongkod om Polinta Pogun minonoodo ogumu pongkimamaan montok mongintong koumohigan Sabah om uvang pitakasan dino.

Sundung i do ingkaa, ka disido, sundung tu mogisusuvai haang naanu om aset ngaavi pinasakadai do polinta, pongkimamaan ngaavi diti kakal au kouha tu tisan daat di tanau, sanda ngaavi okuang, uvang di oindamaan agazo montok tamangan, om gumaga di potihombus di Philippine id habus uvang pogun.

Id suang kobuuon kogompit, minoboos i Mohd Shafie ahal ngaavi koumohigan id Sabah nopo nga poinsusuvai om kobohingkang.

Minoboos isido saasabap no do Sabah poindoos miampai pivohitan sompomogunan miampai Indonesia di koibutan, Brunei id barat daya, Philippine id kabaatan om kohisaon Sabah, piipio mantad ahal dino nopo nga kogompit miampai kedaulatan nasional om dahabus.

“Ino momoguno kogompitan om koomungan Polinta Hongkod. Ahal diti kobohingkang vagu do kapapanaai misosondii mogiigizon piahatan wilayah i saasabap no do pionitan susuzan, koubasanan om paganakan mantad po piipio ngotusan toun nakatahib,” ka disido.

Minoboos isido kapapanaai tumahib pivohitan montok angkab pidagangan om ikonomi nopo nga ahal koubasanan id tisan kohisaon Sabah id nombo mogiigizon di poingizon id kampung ngaavi sokid id pulau ngaavi id suang wilayah dino nakaanu kaganapan taakanon om kogunaan potitikid tadau dioho mantad kakadazan om kakadazan id tisan kohisaon Sabah.

Minoboos i Mohd Shafie ogumu mantad tinimungan dioho nga nakaanu pongusapan usap om mogium pakalajaan id Sabaho m au id pogun dioho. Bernama

   
Email Print
   
 
 
E-browse