Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Dabra Sia magangat tambalut artis mamalan ababayan kotundunan |  Sabah mangatag kategori lahan kotombuhuzan habus kakadazan tuidongon |  Lelaki warga asing ditahan, dadah dirampas |  Wisma Kastam Labuan berwajah baharu |  Program Libat Urus Terbuka harus dimanfaat: Ab Rashid |  Foreigner with crystal meth nabbed |  ‘Sabah’s diverse society remains a vital ingredient’ |  FCAS ready to build Wisma Zhong Hua if there is land |  Outstation express bus services kick off operations at KK Sentral |  To dam or not to dam |  SM Lok Yuk shuttlers rule |  108 extreme athletes participate in tournament |  Labuan fans treated to MMA action |  Open opportunity to discuss tennis development |  Non-performing loans to rise 98 pct | 
 Kadazan Dusun

Komontilian Kohidasan pokionuon mongintong ahal koumohigan om kohidasan pakalaja

26th June, 2019

KOTA KINABALU: Ponikoon Institut Koumohigan om Kohidasan Pakalaja (NIOSH) Tan Sri Lee Lam Thye di koniab minangatag kumaa Komontilian Kohidasan montok mogisusuvai ahal koumohigan om kohidasan pakalaja (KKP) i manaak tanda kumaa pakakalaja om izioho i mintamong kitokuo id saviavi hamin pongusapan.

Minoboos isido haang dino kaanu nodii komontilian mogium hinomi om popointutun koponguhanan KKP montok monguhan saviavi kavo kosinduahan om toluo kogompit pakalajaan id hamin pongusapan ginumuan om swastan.

“Pinoiho zou vookon ahal KKP i mositi uhanon nopo nga kasaavan di osiibo om au songkuo anangan montok mongkinobos om popotihombus dino id tampat kalaja.

“Izioho i id suang Komiti KKP nga au mamalati miampai tavavasi tonggungan dioho naamot vookon pakalaja au toomod nokoiho polisi KKP,” ka disido id koponoimaan Tadau KKP Sompomogunan i naazu miampai do NIOSH Sabah om Labuan om Hamin Pongusapan Tabaa KPJ Sabah id doiti di koniab.

Minoboos i Lee kivaa nogi kiis pakalaja au tumanud kootulan kalaja standard kaampai no kogunaan montok momoguno koumatan panamangan sondii i kosudong montok kosinduahan popoompit ponungkit kakal nosogu id suang tinimungan pakalaja pongusapan.

“Kalaja id hamin pongusapan koovit kohigaganan om tumanud Pinoguntaban Biro Buruh Amerika Syarikat, dati kosinduahan toi ko toluo hobi kinavas id hamin pongusapan piagahon boogizan kapanadaan om kapanadaan,” ka disido.

Id Amerika Syarikat sabaagi pomitanan, minoboos isido hamin pongusapan id pogun dino nokoponuat 253,700 kosinduahan om toluo kogompit pakalajaan ino nopo nga kiginumu 6.8 piatus nokotoguvang kantakan dino montok potitikid 100 pakalaja poimponu timpu ontok toun 2011.

Kinavas dino nopo nga somok induvo kolipat kinavas di nosuat montok pomounan swasta id lahan saviavi dino, ka disido.

Minoboos i Lee hamin pongusapan kivaa kohigaganan di noindamaan hoohobi no ontok pakalaja momiangkat om popoundahiu di kitoluo om izioho nga kotoguvang kumaa kosinduahan saasabap no do tombi, nahandai toi ko naatu suvai ko dati asangod do toluo toi ko tutumombuhui di topulokis.

“Otumbazaan zou do pakalaja hamin pongusapan kopiuman do izioho pakalaja id iso mantad tampat di kohigaganan nga izioho kivaa kopotutan montok monuhung kitoluo om kivaa di kaakun popotupa koumohigan om kohidasan dioho sondii,” ka disido.

Minoboos i Lee kosinduahan om toluo pakalaja i popoompit balanja di takavas songian hamin pongusapan mositi mambalai pamaganti om balanja ponusapan songian pakalaja osinduahan toi ko sumakit.

Minoboos isido kinavas koumohigan id tampat kalaja nga kopogompit toluo tu pakalaja ngaavi ouzan, osinduahan toi ko kotoguvang koundasaan kikantakan takavas montok monoodo kahasaan manaak tubat miampai ontodonon koohian antakan.

Humansan nogi i Lee saviavi hamin pongusapan kaanu popoinsavat kasaavan kokomoi kohigaganan pamanaan mugad om mahik mantad tampat kalaja tu 554 kohigaganan dino popoompit mogisusvuai kategori pakalaja id siibo Komontilian Kohidasan mantad toun 2014 gisom 2016.

Nosogu kohigaganan di takavas kozo popoompit noos nopo nga tinimungan di takavas miampai 295 kiis, sinusuut monuhung pongusapan kohidasan (91 kiis), panakadai upisol pongusapan om upisol pongusapan (toiso-iso 35 kiis), dolivol (31 kiis), monuhung popotounda taakanon (15 kiis) om suusuvai kategori kalaja (52 kiis). Bernama

   
Email Print
   
 
 
E-browse