Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Dabra Sia magangat tambalut artis mamalan ababayan kotundunan |  Sabah mangatag kategori lahan kotombuhuzan habus kakadazan tuidongon |  Lelaki warga asing ditahan, dadah dirampas |  Wisma Kastam Labuan berwajah baharu |  Program Libat Urus Terbuka harus dimanfaat: Ab Rashid |  Foreigner with crystal meth nabbed |  ‘Sabah’s diverse society remains a vital ingredient’ |  FCAS ready to build Wisma Zhong Hua if there is land |  Outstation express bus services kick off operations at KK Sentral |  To dam or not to dam |  SM Lok Yuk shuttlers rule |  108 extreme athletes participate in tournament |  Labuan fans treated to MMA action |  Open opportunity to discuss tennis development |  Non-performing loans to rise 98 pct | 
 Kadazan Dusun

29 moninigup id Sandakan kinompaun RM7,250

25th June, 2019

Di ROZZALIN HASHIM

SANDAKAN: 29 moninigup kinompaun miampai gatang koinsanai RM7,250 soira noilaan minonigup id koiyonon pogoduhan monigup id sahau Kooturan-Kooturan ‘Kawalan Hasil Tembakau’ 2004.

29 notis id sahau Seksyen 32B Akta Makanan 1983, Kooturan-Kooturan Hasil Tembakau 2004 naanu pinalabus id piipiro operasi monoibau lisun sogirit id posoosorili watas diti i pinoindalan di 35 upisor kapaampai Monguhup Upisor Kolidasan Posoosorili om Monguhup Kolidasan Ginumuan mantad Upis Kolidasan Watas Sandakan.

Upisor Kolidasan watas diti i Dr. Johari Awang Besar pinopoilo do noilaan bohogian disio wookon moninigup kakal amu’ mananud kooturan pogoduhan monigup id watas i pinoimagon sabaagi koiyonon pogoduhan monigup, sundung haro papan tanda di pinodokot id koiyonon di okito suai ko mogisusuai kointalangan di pinahabar.

Minoboros isio do gisom baino diti kakal haro kasalaan noilaan id piipiro koiyonon pogoduhan monigup ilo nopo nga’ kaampai no id watas walai pongubatan kapaampai 10 kasalaan, kompleks pomoobolian (9 kasalaan), apat kasalaan id tutubpoon kapal tumulud om onom id linimput koporintaan.

Pinointalang disio do kopogirotan kuasa kopogoduhan monigup nopo nga montok mongumolig tulun ginumuan kosuul no yolo i amu monigup mantad koligogonon lisun sogirit toi asil mantad sigup.

Suai ko ilo ka disio, popoinsingubas po nogi ilo di nubasanan amu monigup id nayatan mogigiyon maya kapatatapan watas pasagaan monigup loolobi no id rurubpuon ginumuan.

Minongomi potilombus pinopoingat i Dr. Johari kumaa tulun ginumuan mooi do mananud pogoduhan monigup id koiyonon di nakatantu do Komontirian Kolidasan Malaysia (KKM) montok mongilag ontokon laang undang-undang.

Pinosotol nogi disio do operasi di miagal poindalanon poompus id koinsanai koiyonon di nakatantu.

   
Email Print
   
 
 
E-browse