Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Dabra Sia magangat tambalut artis mamalan ababayan kotundunan |  Sabah mangatag kategori lahan kotombuhuzan habus kakadazan tuidongon |  Lelaki warga asing ditahan, dadah dirampas |  Wisma Kastam Labuan berwajah baharu |  Program Libat Urus Terbuka harus dimanfaat: Ab Rashid |  Foreigner with crystal meth nabbed |  ‘Sabah’s diverse society remains a vital ingredient’ |  FCAS ready to build Wisma Zhong Hua if there is land |  Outstation express bus services kick off operations at KK Sentral |  To dam or not to dam |  SM Lok Yuk shuttlers rule |  108 extreme athletes participate in tournament |  Labuan fans treated to MMA action |  Open opportunity to discuss tennis development |  Non-performing loans to rise 98 pct | 
 Kadazan Dusun

PGA Beluran kavavagu mokianu Batalion di pantangon om kikosizan

25th June, 2019

SANDAKAN: Upisol Momolinta Batalion 20 Tinimungan Gerakan Am (PGA) Beluran di kavavagu mimang mamadadi batalion dino vookon di pantangon om koosizan boogizan havan, hoohobi no kozo id Zon Atampasi Kohisaon Sabah (ESSZone).

ACP Mohd Nasaruddin M Nasir minoboos moguhud vagu isido kotoinaan Batalion 20 PGA om mongkimamaa montok mongintong kouhanan tinimungan batalion i kihongkod id iso louting kadai i sinivaan mantad po hobi apat toun nakatahib.

“Izikoi apatut dino mundahiu kumaa tampat kavavagu, nga saasabap no do kobohingkangan sakadau au kapakavasa dagai do mundahiu.

“Sundung i do ingkaa, mongkimamaa zou montok momuuan Batalion 20 PGA Beluran tavavasi dati id suang mongintong tonggungan kumaa koumohigan pogun otoodon,” ka disido kuminaa magaganu abal kahapas minonoimo pamantangan om pinomolisaan nuzudan kopiondot lamai kopotunuzan tonggungan koiso upisol momolinta kavavagu batalion PGA dino.

Humansan isido 641 upisol om puu batalion dino manaak pisokodungan kumaa disido poompus kotoinaan disido momuuan batalion dino.

Mohd Nasaruddin minamaganti upisol momolinta nokosoguhu, ACP Rattan Kumar Singh i minundahiu kumaa Hongkod Upis Pulis Kontinjen (IPK) Sabah sabaagi Huguan Koupisan Koumohigan Suang Pogun om Kotoonongon Ginumuan (KDNKA).

Poguhui diti, Mohd Nasaruddin minigit haid kalaja Huguan Koupisan KDNKA id IPK Sabah, Huguan Pulis Uvang Kunak om upisol takavas id suang Unit Haang Poimbida (UTK) Bukit Aman i pakalaja ontok Kalaja Daulat sumusuut mantad ponuguan tinimungan kisandata Philippine id Lahad Datu ontok 2013. Bernama

   
Email Print
   
 
 
E-browse