Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Produk pelancongan di Tawau dalam proses pembangunan |  Tinimungan mongingia Labuan tuminindapou do kimpin kasaavan bato |  90 piatus sikul nakahaid id pototongkop pogun noumbosian |  Pamahagaan kumaa komuhakan i pinapavasi ngaan Sabah, Pogun |  Christmas Eve public holiday a gift to local Christian community |  Technician acquitted from charges of uploading, and making offensive comment on Prophet Muhammad |  KK exponents retain karate gold |  Hosts dominate muay thai events |  KK new champions |  Perodua Tweckbot offers free vehicle inspections in run-up to Christmas, New Year |  Sarawak to emulate Brunei as global hydrogen supplier |  Confucius Institute to be Mandarin language hub |  Gerai Pameran Kg. Semuruh muncul juara Pesta Kubis Sabah 2019 |  Sabah perlukan lebih banyak pembinaan BBPA di kawasan berisiko |  PPM Sandakan tahan empat bot nelayan dalam Ops Gelora | 
 Kadazan Dusun

Aiso po ohou mantad manazang: Omar

20th June, 2019

KOTA KINABALU: Boogizan kikuasa toi ko noonombo boogizan au po nokotoimo nuununu ohou mantad tinimungan kisandata i nosogu minanazang 10 monginsada Bajau Daat id pitakasan Felda Sahabat Lahad Datu di kosuvab songkoniab.

Pesuruhjaya Pulis Sabah Datuk Omar Mammah minoboos gisom baino diti au po nokotoimo o pulis luputan toi ko pinoiho kokomoi ohou mantad tinimungan manazang mantad po toi sanganu padau di nokogompit toi ko paganakan di munggui.

“Aiso po (nokotoimo nuununu ohou mantad tinimungan manazang),” ka disido ontok notuubungan Bernama kokomoi kobuuon kavavagu kiis dino di koniab.

Kokomoi onom monginsada i natampasi id suang kinantakan dino, minoboos i Omar minaganu o pulis kointahangan dioho songkoniab id Balai Pulis Cenderawasih Felda Sahabat Lahad Datu montok monuhung koponoizukan.

Saviavi monginsada i natampasi dino kakal id Cenderawasih om duvo padau monginsada i kogompit id suang kinantakan dino nga kakal poingabu id uvang pitakasan Felda Sahabat id siibo panamangan pulis.

Id suang kinantakan di kuang hobi jam ko 2 minsusuvab, 10 monginsada dino nosogu sinazangan do tinimungan kisandata i kivaa kogompitan miampai Abui Sayyaf mantad duvo padau monginsada id pitakasan Lahad Datu ontok id suang pamanaan pougadan kumaa Semporna.

Kikotumbazaan izioho sinazantan kumaa Pulau Sitangkai id Koibutan Philippine, i kuang hobi 15 minit pamanaan mantad pitakasan Tambisan, Lahad Datu.

Saviavi mungui kiumul 17 gisom 60 toun dino aiso do suat kointutunan om kiva nopo Suat Lepa-Lepa i pinahabus kumaa monginsada nomad sabaagi kointutunan monginsada dino.

Naamot dino id KUALA LUMPUR, Kumoduvo Huguan Pulis Pogun Datuk Mazlan Mansor ontok noudizo kokomoi kinantakan dino, minoboos Bukit Aman mindad kobuuon kavavagu kogompit kiis dino mantad Pesuruhjaya Pulis Sabah.

“Koponoizukan kakal papanaon om kakal izikoi mindad kobuuon kavavagu,” ka disido. Bernama

   
Email Print
   
 
 
E-browse